--°C
Loading...
Listen to Article
2 min read
80%
ডিজিটেল ডেস্কঃ মঙলবাৰে নিশা কলকাতাত হংকঙৰ বিৰুদ্ধে অনুষ্ঠিত হ’বলগীয়া চূড়ান্ত কোৱালিফাইং মেচৰ পূৰ্বে ভাৰতীয় ফুটবল দলটোৱে ২০২৩ বৰ্ষৰ এছিয়ান কাপৰ বাবে যোগ্যতা অৰ্জন কৰিছে। গ্ৰুপ পৰ্যায়ৰ অন্তিমখন খেলত মঙলবাৰে পেলেষ্টাইনৰ হাতত ০-৪ গ’লত পৰাস্ত হয় ফিলিপাইনছ। ফলত অন্তিমখন মেচৰ পূৰ্বেই যোগ্যতা অৰ্জন কৰে ভাৰতে।

এছিয়ান কাপৰ কোৱালিফায়াৰৰ তৃতীয় আৰু অন্তিম ৰাউণ্ডত ছটা গ্ৰুপত বিভক্ত ২৪টা দলে খেলি আছে। ২০২৩ চনৰ এছিয়ান কাপত মুঠ ২৪টা দলে খেলিব। ইয়াৰে ১৩খন দেশে ইতিমধ্যে যোগ্যতা অৰ্জন কৰিছে। কোৱালিফাইং ৰাউণ্ডৰ পৰা ৬টা গ্ৰুপৰ বিজয়ী দল আৰু দ্বিতীয় স্থানৰ শীৰ্ষ পাঁচটা দলে মূল ৰাউণ্ডলৈ যোগ্যতা অৰ্জন কৰিব। আফগানিস্তানৰ বিৰুদ্ধে জয়লাভ কৰাৰ পিছত ভাৰতে নিজৰ অৰ্হতা প্ৰায় নিশ্চিত কৰিলে। আফগানিস্তানৰ বিৰুদ্ধে জয়লাভ কৰাৰ পাছত ভাৰত দ্বিতীয় ৰেংকিঙৰ দলসমূহৰ ভিতৰত তৃতীয় স্থানত আছে আৰু নিয়ম অনুসৰি দ্বিতীয় ৰেংকিঙৰ শীৰ্ষ পাঁচটা দলে যোগ্যতা অৰ্জন কৰিব।

মঙলবাৰে কলকাতাত ভাৰতে গ্ৰুপ ডিৰ শীৰ্ষত থকা হংকঙৰ বিৰুদ্ধে খেলিব। এই খেলৰ ফলাফলে নিৰ্ণয় কৰিব কোনটো দলে গ্ৰুপ তালিকাৰ শীৰ্ষত শেষ কৰিব। ভাৰত আৰু হংকঙৰ মাজত অনুষ্ঠিত মেচখনৰ ফলাফল যিয়েই নহওক কিয়, পেলেষ্টাইনৰ জয়ৰ বাবেই দুয়োটা দলে এ এফ চি এছিয়ান কাপ ২০২৩ৰ বাবে যোগ্যতা অৰ্জন কৰিছে।

স্মৰ্তব্য যে, ১৯৮৪ চনত ভাৰতে প্ৰথমবাৰৰ বাবে এ এফ চি এছিয়ান কাপৰ বাবে যোগ্যতা অৰ্জন কৰিছিল। সেই সময়ত পশ্চিম এছিয়াৰ বেছিভাগ দেশেই ৰাজনৈতিক কাৰণত নাম প্ৰত্যাহাৰ কৰিছিল। প্ৰতিযোগিতাখনত চাৰিটা দলে প্ৰতিটো জ’নৰ পৰা এটাকৈ দলে অংশগ্ৰহণ কৰিছিল। ইজৰাইলে জয়লাভ কৰাৰ লগতে দ্বিতীয় স্থান দখল কৰিছিল ভাৰতে। তাৰ পিছত ২০ বছৰৰ মূৰত পুনৰ ১৯৮৪ চনত এছিয়ান কাপত প্ৰৱেশ কৰিছিল ভাৰতে। কিন্তু গ্ৰুপ পৰ্যায়ৰ পৰাই বিদায় ল’বলগীয়া হৈছিল ভাৰতে।

ইয়াৰ ২৭ বছৰৰ পাছত বাইচুং ভূটিয়াৰ নেতৃত্বত ২০১১ চনত পুনৰ যোগ্যতা অৰ্জন কৰে যদিও গ্ৰুপ পৰ্যায়ৰ পৰা বিদায় লয় ভাৰতে। ৮ বছৰীয়া দীঘলীয়া অপেক্ষাৰ অন্তত ২০১৯ চনত পুনৰ যোগ্যতা অৰ্জন কৰিছিল ভাৰতে। এইবাৰ ভাৰতে একেৰাহে দুবাৰকৈ এ এফ চি এছিয়ান কাপৰ বাবে যোগ্যতা অৰ্জন কৰিছে।
 
FOLLOW US F
POPULAR
FEATURE
TRENDY
গছপুলি ৰোপণৰ নামত বন বিভাগৰ প্ৰহসন! ২০ লাখটকীয়া CAMPA আঁচনিৰ ৯৫% গছপুলিৰ এতিয়া নাই কোনো অস্তিত্ব
নিম ছালৰ বাবে অতি উপকাৰী! ইয়াৰ নানা উপকাৰিতা জানি লওক
বহিঃৰাজ্যৰ গামোচাৰে ভৰি পৰিছে বজাৰ
বহু প্রতীক্ষিত ট্রাম্প-পুটিনৰ বৈঠক ১৫ আগষ্টত
হ্ৰাস পাব নেকি LPG চিলিণ্ডাৰৰ দাম ? ৩০ হাজাৰ কোটি টকাৰ ৰাজসাহায্য ঘোষণাৰ দিশে কেন্দ্ৰীয় চৰকাৰ
অসমতো বাজিল বিশেষ সংশোধনীৰ ঘণ্টা
এই ৫ টা খাদ্য খালে স্মৃতিশক্তি বৃদ্ধি পাব! মগজু চোকা আৰু সক্ৰিয় হৈ থাকিব
এটা যুগৰ অন্ত: ১ ছেপ্টেম্বৰৰ পৰা পঞ্জীয়নভুক্ত ডাক সেৱা বন্ধ কৰাৰ কথা ঘোষণা ভাৰতীয় ডাক বিভাগৰ
পদপথ কেৱল পদযাত্ৰীৰ বাবেহে: উচ্চতম ন্যায়ালয়
আমেৰিকাৰ পৰা খাৰুৱা তেল ক্রয় দুগুণ বৃদ্ধি ভাৰতৰ
১১৩৭ কোটি টকাৰ অভিযানৰ ব্ৰেণ্ড এম্বেছাদৰ ছাৰা তেণ্ডুলকাৰ ; এই দেশত বৃদ্ধি কৰিব পৰ্যটন
চাইবাৰ চক্ৰৰ পৰা ৯৩ লাখ টকা উদ্ধাৰ মৰিগাঁও আৰক্ষীৰ
বিশিষ্ট শাস্ত্ৰীয় সংগীতজ্ঞ সত্যকৃষ্ণ মিশ্ৰৰ পৰলোকপ্ৰাপ্তি
ৰাষ্ট্ৰপতি মুর্মুক সাক্ষাৎ প্ৰধানমন্ত্ৰীৰ