ডিজিটেল ডেস্কঃ আজি অৰ্থাৎ সোমবাৰৰ পৰা (১৭ ফেব্ৰুৱাৰী ২০২৫)জাৰি কৰা হ’ল ফাষ্টেগৰ নতুন নিয়ম ৷ ইয়াৰ অধীনত যিসকল ব্যৱহাৰকাৰীৰ ফাষ্টেগত বেলেঞ্চ কম, পেমেণ্টত পলম হয় বা ফাষ্টেগ ব্লেকলিষ্ট কৰা হৈছে তেওঁলোকক অতিৰিক্ত জৰিমনা বিহা হ’ব।
ভাৰতীয় ৰাষ্ট্ৰীয় পেমেণ্ট নিগম (এন পি চি আই) আৰু পথ পৰিবহণ মন্ত্ৰণালয়ে ফাষ্টেগ সম্পৰ্কীয় নিয়মত কিছু গুৰুত্বপূৰ্ণ পৰিৱৰ্তন কৰিছে । জানো আহক এই নতুন নিয়মবোৰৰ বিষয়ে-
১) ব্লেকলিষ্টেড ফাষ্টেগ: নতুন নিয়ম অনুসৰি যদি ফাষ্টেগ টোল পোৱাৰ লগে লগে ব্লেকলিষ্ট কৰা হয়, তেন্তে টোল পৰিশোধৰ প্ৰক্ৰিয়া সম্পন্ন নহ’ব । যদিও ফাষ্টেগ স্কেন কৰাৰ কমেও ১০ মিনিট আগতে ব্লেকলিষ্ট কৰা হৈছিল, তথাপিও পেমেণ্ট নাকচ কৰা হ’ব ।
২) গ্ৰেচ পিৰিয়ড: ব্যৱহাৰকাৰীয়ে এতিয়া টোল বুথ পাৰ হোৱাৰ আগতে নিজৰ ফাষ্টেগ ষ্টেটাছ শুধৰাবলৈ ৭০ মিনিটৰ গ্ৰেচ পিৰিয়ড পাব ।
৩) ব্লেকলিষ্টিং প্ৰভাৱ: যদি ফাষ্টেগটো টোল পোৱাৰ লগে লগে ব্লেকলিষ্টিং হয়, তেন্তে ব্যৱহাৰকাৰীয়ে এতিয়া টোল মাচুলৰ দুগুণ দিব লাগিব । কিন্তু স্কেন কৰাৰ ১০ মিনিটৰ ভিতৰত যদি টেগটো ৰিচাৰ্জ হয় তেন্তে জৰিমনা ঘূৰাই পোৱাৰ অনুৰোধ কৰিব পাৰিব ।
৪) পলমকৈ হোৱা লেনদেন: বাহনখন টোল ৰিডাৰৰ মাজেৰে পাৰ হোৱাৰ ১৫ মিনিটতকৈ অধিক সময়ৰ পিছত যদি টোল লেনদেন প্ৰক্ৰিয়াকৰণ কৰা হয় তেন্তে FASTag ব্যৱহাৰকাৰীসকলে অতিৰিক্ত চাৰ্জৰ সন্মুখীন হ’ব পাৰে।
৫) চাৰ্জবেক: বেংকে ১৫ দিন সময়ৰ পিছতহে ব্লেকলিষ্ট বা কম বেলেঞ্চ ফাষ্টেগৰ সৈতে জড়িত ভুল কৰ্তনৰ বাবে চাৰ্জবেক বৃদ্ধি কৰিব পাৰে ।
Continue Reading
