অতিমাৰীৰ বাবে আনবাৰতকৈ পৃথক হ'ব গণতন্ত্ৰ দিৱস, বাদ পৰিব এইসমূহ দিশ

নতুন দিল্লী: আনবাৰতকৈ পৃথক হ'ব এইবাৰৰ গণতন্ত্ৰ দিৱস৷ ক'ভিড-১৯ মহামাৰীয়ে সলনি কৰা প্ৰেক্ষাপটত দেশৰ গণতন্ত্ৰ দিৱস উদযাপনৰ কাৰ্যসূচীও পূৰ্বতকৈ কিছু পৃথকভাৱে পৰিকল্পনা কৰা হৈছে৷ সম্পূৰ্ণ ক'ভিড প্ৰট'কল মানি অনুষ্ঠিত হ'বলগীয়া কাৰ্যসূচীত এইবাৰ বাদ পৰিব এইসমূহ বিষয়:

আৰু পঢ়িব পাৰিব : কেন্দ্ৰীয় গৃহমন্ত্ৰীৰ সভা, নলবাৰীত ১৪৪ ধাৰা

পাঁচ দশকতকৈও অধিক কালৰ ভিতৰত প্ৰথমবাৰৰ বাবে এই বছৰ মুখ্য অতিথি অবিহনে অনুষ্ঠিত হ'ব গণতন্ত্ৰ দিৱসৰ পেৰেড। ইয়াৰ আগতে ১৯৫২, ১৯৫৩ আৰু ১৯৬৬ চনত গণতন্ত্ৰ দিৱসৰ পেৰেডত কোনো মুখ্য অতিথি নাছিল। পেৰেডৰ সময়ত সদায় দেশবাসীক উৎসাহী কৰা এটা বিশেষ অনুষ্ঠান-- সেনা আৰু পেৰা মিলিটাৰী বাহিনীৰ জোৱানসকলৰদ্বাৰা মটৰচাইকেল ষ্টান্ট এইবাৰ নাথাকিব৷

আৰু পঢ়িব পাৰিব : ‘আয়ুষ্মান ভাৰত’ আঁচনিৰ আওতালৈ কেন্দ্ৰীয় বাহিনী, গৃহমন্ত্ৰীৰ পদক্ষেপ

মহামাৰীৰ বাবে অৱসৰপ্ৰাপ্ত সেনা বিষয়াৰ পেৰেড আৰু ৰাষ্ট্ৰীয় সাহসিকতাৰ বঁটা প্ৰাপকসকলৰ পেৰেডো এইবাৰ গণতন্ত্ৰ দিৱসৰ কাৰ্যসূচীৰপৰা বাদ পৰিব৷

আনহাতে মহিলা ফাইটাৰ পাইলট, ৰাফাল জেটৰ ফ্লাইপাষ্ট, মাস্ক পৰিহিত সেনা জোৱান, বাংলাদেশসশস্ত্ৰ বাহিনীৰ অংশগ্ৰহণ, ৰাম মন্দিৰৰ টেব্লিউ প্ৰদৰ্শন আদি এইবাৰৰ গণতন্ত্ৰ দিৱস উদযাপনৰ বিশেষত্ব হ'ব৷