পৰাজয়ৰ গ্ৰাসত কোন কোন হেভীৱেট প্ৰাৰ্থী?

গুৱাহাটীঃ ৰাজ্যৰ ৰাজনীতিৰ বাবে আজি এটা বিশেষ দিন। ২০২১ৰ বিধানসভা নিৰ্বাচনৰ ফলাফলত কিছু কিছু হেভিৱেট প্ৰাৰ্থীয়েও পৰাজয়ৰ দিশে আগবাঢ়িছে। নাহৰকটীয়া আৰু দুলীয়াজানত অগ্ৰগতি লাভ কৰা নাই অসম জাতীয় পৰিষদৰ সভাপতি লুৰিণজ্যোতি গগৈয়ে। নাহৰকটীয়াত আগবাঢ়ি আছে বিজেপি প্ৰাৰ্থী তৰংগ গগৈ।

আৰু পঢ়িব পাৰিব :  শ্ৰমিকৰ অধিকাৰ খৰ্বঃ শ্ৰমিক দিৱসত কাম কৰিবলৈ বাধ্য কৰালে ফ’ৰলেন নিৰ্মাণ কোম্পানীয়ে

নাহৰকটীয়াত বিজেপি প্ৰাৰ্থী তৰংগ গগৈ ৫৬০৩টা ভোটত আগবাঢ়ি আছে। বিজেপিৰ প্ৰাৰ্থীগৰাকীয়ে এই পৰ্যন্ত ভোটলাভ কৰিছে ২৩২৫৪টা। আমগুৰি সমষ্টিত অগপ দলৰ প্ৰাৰ্থী প্ৰদীপ হাজৰিকাৰ অগ্ৰগতিৰ বিপৰীতে কংগ্ৰেছ দলৰ প্ৰাৰ্থী অংকিতা দত্ত পিছ পৰি আছে।

আৰু পঢ়িব পাৰিব :  ক’ভিডত আক্ৰান্ত হৈ নগাঁৱত পুনৰ দুজনৰ মৃত্যু

ইফালে গহপুৰতো কংগ্ৰেছৰ সভাপতি ৰিপুণ বৰাৰ বিপৰীতে উৎপল বৰাই বৰ্তমানলৈ অগ্ৰগতি লাভ কৰি আছে, আনফালে আঙুৰলতা ডেকাৰ বিপৰীতে কংগ্ৰেছৰ শিবামণি বৰা আগবাঢ়ি আছে। ফলাফল অনুসৰি বৰ্তমানলৈ পিছ পৰি আছে বিপিএপৰ প্ৰাৰ্থী প্ৰমিলাৰাণী বহ্মৰ লগতে চন্দন বহ্ময়ো বহু সংখ্যক ভোটত পিছ পৰি আছে।