ডিজিটেল ডেস্কঃ কাশ্মীৰক লৈ ভাৰত আৰু পাকিস্তানৰ মাজত দীৰ্ঘদিনীয়া সংঘাতে দুয়োখন দেশৰ নাগৰিকৰ মাজত শত্ৰুতা আৰু ঘৃণাৰ দেৱাল প্ৰায়ে শক্তিশালী কৰি তোলে। দুয়োখন দেশৰ মাজত চলি থকা উত্তেজনাৰ মাজতে আমাৰ দেশৰ এগৰাকী CRPF জোৱানে এগৰাকী পাকিস্তানী যুৱতীক বিয়া কৰালে। পত্নীয়ে এতিয়া পাকিস্তানৰ পৰা সীমান্ত পাৰ হৈ জম্মুৰ জোৱানজনৰৰ গাওঁ ভালৱাললৈ আহিছে। এই বিবাহৰ বিষয়ে সমগ্ৰ জম্মু-কাশ্মীৰত চৰ্চা হৈছে।
দৰাৰ নাম মুনীৰ আহমেদ আৰু কইনাৰ নাম মানেল খান। মানেলে সকলো বৈধ কাগজ-পত্ৰ লৈ শহুৰেকৰ ঘৰলৈ আহিছে।
মুনীৰ আহমেদ বৰ্তমান ৰিয়াছি জিলাৰ শিৱ খোৰীত কৰ্মৰত হৈ আছে। জম্মু-কাশ্মীৰৰ বাসিন্দা চি আৰ পি এফ জোৱানজন। মুনীৰৰ কইনা মানেল খান পাকিস্তানৰ পঞ্জাৱৰ।
২০২৪ চনৰ ২৪ মে’ত বিবাহপাশত আবদ্ধ হয় দুয়ো। ভিছা নোপোৱা বাবে দুয়োজনে এক অনন্য পদ্ধতি বাছি লৈ ভিডিঅ’ কনফাৰেন্সৰ জৰিয়তে বিয়া পাতিলে।
আনুষ্ঠানিকভাৱে মুনীৰৰ পত্নী হোৱাৰ পিছত মানেলে ১৫ দিনৰ ভিছা পালে। ইয়াৰ পিছত তেওঁ আত্তৰী-ৱাগাহ সীমান্তৰে ভাৰতলৈ আহিছিল স্বামীক লগ কৰিবলৈ। মানেলৰ শহুৰৰ গৃহই তেওঁৰ আগমনৰ বাবে আগ্ৰহেৰে অপেক্ষা কৰি আছিল আৰু পৰম্পৰাগত ৰীতি-নীতিৰে তেওঁক উষ্ম আদৰণি জনাইছিল। মানেলৰ আগমনৰ খবৰ বিয়পি পৰাৰ লগে লগে গাঁৱৰ ৰাইজে পাকিস্তানী কইনাক চাবলৈ গোট খালে। কইনাৰ আগমনৰ লগে লগে দৰাৰ মুখখন জিলিকি উঠিল। বৰ্তমান এই দুয়োৰে কাহিনী সমগ্ৰ জিলাতে চৰ্চা চলি আছে।
মানেল ভাৰতত উপস্থিত হোৱাৰ পিছত চোৰাংচোৱা সংস্থা সষ্টম হৈ আছে। পৰিস্থিতিৰ সংবেদনশীলতাক বুজি আৰক্ষীয়ে তেওঁৰ সকলো কাম-কাজ তীক্ষ্ণ দৃষ্টিৰে নিৰীক্ষণ কৰি আছে। কিন্তু মানেলৰ শহুৰেকে দাবী কৰে যে তেওঁলোকৰ বোৱাৰীয়ে সকলো সংশ্লিষ্ট সংস্থাৰ পৰা ক্লিয়াৰেন্স লৈ বৈধভাৱে দেশত প্ৰৱেশ কৰিছে। লগতে তেওঁ কয় যে নতুন বোৱাৰীয়ে ঘৰখন চম্ভালি লৈছে আৰু তেওঁলোকক পৰম্পৰাগত ৰাজস্থানী ব্যঞ্জন ৰান্ধি খুৱাইছে।
Continue Reading
