মুকালমুৱাত আৰক্ষীৰ বৃহৎ সফলতা; মহিলাসহ ৪ ড্ৰাগছ সৰবৰাহকাৰীক আটক

ডিজিটেল ডেস্ক: ৰাজ্যজুৰি অব্যাহত থকা ড্ৰাগছবিৰোধী অভিযানৰ মাজতে মুকালমুৱা আৰক্ষীয়ে এক সফল অভিযান চলাই বৃহৎ পৰিমাণৰ হেৰ’ইনসহ চাৰিজন সৰবৰাহকাৰীক আটক কৰিবলৈ সক্ষম হৈছে। 

গোপন সূত্ৰৰ ভিত্তিত আৰক্ষীৰ এটা দলে বালিকুছি গাঁৱৰ কুখ্যাত ড্ৰাগছ ব্যৱসায়ী ৰমজান আলীৰ ঘৰত তালাচী চলায়। অভিযানত ৰমজান আলীৰ পত্নী আৰিফি বেগমক আটক কৰে।

আৰক্ষীয়ে ৰমজান আলীৰ পৰা ১৮টা হেৰ’ইনভৰ্তি কণ্টেইনাৰ, এটা পলিথিন ভৰ্তি হেৰ’ইন আৰু নগদ ১৬২৭০ টকা জব্দ কৰে । ইফালে আৰক্ষীয়ে আন এক পৃথক অভিযানত লাৰকুছি অঞ্চলৰ পৰা ৬১.১৫ গ্ৰাম সন্দেহযুক্ত হেৰ’ইন জব্দ কৰে।

এই কাৰ্যত জড়িত থকাৰ অভিযোগত ৰুবুল হক, আয়ন আলী আৰু ৰকিবুল নামৰ তিনিজন যুৱকক কৰায়ত্ত কৰা হয়।

আৰক্ষীৰ এই তৎপৰতাক স্থানীয় ৰাইজে আদৰণি জনাইছে। ধৃত লোককেইজনক বৰ্তমান অধিক তথ্যৰ বাবে আৰক্ষীয়ে জেৰা অব্যাহত ৰাখিছে।