ডিজিটেল ডেস্কঃ শেহতীয়াকৈ কেন্দ্ৰীয় চৰকাৰে পশু ব্যৱহাৰৰ বাবে ব্যৱহাৰ কৰা এচিক্ল’ফেনাক আৰু কিট’প্ৰফেনৰ নিৰ্মাণ,বিক্ৰী আৰু বিতৰণ নিষিদ্ধ কৰিছে।চৰকাৰৰ মতে এই ঔষধ দুবিধ গৰু-ম’হৰ বাবে ক্ষতিকাৰক আৰু মৃত জীৱ-জন্তুৰ দেহ খালে শগুন মৃত্যুমুখত পৰে, যাৰ ফলত পৰিৱেশগত ভাৰসাম্যহীনতা সৃষ্টি হয় বুলি একাধিক বাতৰি প্ৰকাশ পাইছে।এই সন্দৰ্ভত কেন্দ্ৰীয় ড্ৰাগছ কণ্ট্ৰল ষ্টেণ্ডাৰ্ড অৰ্গেনাইজেচন (চিডিচিএছঅ’)ৰ অধীনস্থ সংস্থা ড্ৰাগছ টেকনিকেল এডভাইজাৰী ব’ৰ্ডৰ (ডিটিএবি) ৮৯ সংখ্যক বৈঠকৰ সময়ত আলোচনা হয়।
ইয়াৰ পূৰ্বে স্বাস্থ্য মন্ত্ৰালয়ে এই প্ৰস্তাৱ সন্দৰ্ভত পশুপালন আৰু দুগ্ধ বিভাগ (DAHD) আৰু কৃষি মন্ত্ৰালয়ৰ পৰা মতামত বিচাৰিছিল। চিডিচিএছঅ’ৰ অধীনত কাম কৰা ড্ৰাগছ টেকনিকেল এডভাইজাৰী ব’ৰ্ডৰ ৮৯ সংখ্যক বৈঠকত এই বিষয়ে আলোচনা কৰা হয়।
সযতনে বিবেচনাৰ অন্তত ডিটিএবিয়ে কেট’প্ৰফেন আৰু এচিক্ল’ফেনাকৰ লগতে পশুৰ ব্যৱহাৰৰ বাবে উদ্দেশ্য কৰা নিজ নিজ প্ৰস্তুতিৰ উৎপাদন, বিক্ৰী আৰু বিতৰণত নিষেধাজ্ঞা আৰোপ কৰাৰ একমতত উপনীত হয়।ইয়াৰ পূৰ্বে বাংলাদেশে কেট’প্ৰফেন ব্যৱহাৰ নিষিদ্ধ কৰা প্ৰথমখন দেশ হিচাপে পৰিগণিত হৈছিল।
শগুন সংৰক্ষণৰ বাবে বিষয়টো বিশেষজ্ঞসকলে পৰীক্ষা কৰিছিল আৰু পশুধনৰ চিকিৎসাৰ বাবে ব্যৱহাৰ কৰা ঔষধ নিষিদ্ধ কৰাৰ পৰামৰ্শ দিয়া হৈছিল।
Continue Reading
