ডিজিটেল ডেস্ক : প্ৰেমৰ বাবে মানুহে কি কি যে কৰিব নোৱাৰে! কি কি নকৰে! এইবাৰ প্ৰেমৰ তীব্ৰতা বঢ়োৱাৰ বাবে এগৰাকী মহিলাই কৰা কামে সৰ্বত্ৰে চৰ্চা লাভ কৰিছে। প্ৰেমৰ আকৰ্ষণ বঢ়োৱা আৰু পতিক নিজৰ হাতৰ মুঠিতে ৰখাৰ বাবে এগৰাকী মহিলাই কৰা কামে এতিয়া সৰ্বত্ৰে চৰ্চা লাভ কৰিছে। মহিলাগৰাকীয়ে নিজৰ পতিৰ ডিঙিত শিকলি লগাই, এটা কুকুৰ মুখা পিন্ধাই এটা জনসমাগমপূৰ্ণ ৰে’ল ষ্টেচনত ঘূৰাই লৈ ফুৰোঁৱা দৃশ্য এতিয়া ভাইৰেল হৈ পৰিছে। মহিলাগৰাকীয়ে ৰাজহুৱা স্থানত কৰা এই উদ্ভট কাণ্ডক লৈ এতিয়া চলিছে সৰৱ চৰ্চাও। এই পতি-পত্নীৰ নাম হৈছে লুৱানা কাজাকী আৰু আৰ্থাৰ অ’ উৰছো। তেওঁলোকে প্ৰকাশ কৰিছে যে, কামশক্তি বৃদ্ধি কৰা আৰু পৰস্পৰৰ প্ৰতি প্ৰেমৰ আকৰ্ষণ বৃদ্ধি কৰাৰ বাবে তেওঁলোকে ৰাজহুৱাকৈ dominatrix fantasy প্ৰদৰ্শন কৰা বুলি সদৰি কৰিছে। ইয়াক থূলমূলকৈ বুজাব লাগিলে ক’ব পাৰি যে, ই কোনো সম্পৰ্কত পত্নী বা প্ৰেয়সীৰ দমনীয় ভূমিকাক প্ৰতিফলিত কৰে।
এই ৰীতিক প্ৰতিফলিত কৰাৰ বাবে দুয়ো ৰাজহুৱা স্থানত আত্মপ্ৰকাশ কৰে। দুয়ো বিশেষ ধৰণৰ সাজ-পোছাক পৰিধানৰ লগতে পতিৰ ডিঙিত বান্ধি দিয়া লোহাৰ শিকলি। ব্ৰাজিলৰ এটা ৰে’ল ষ্টেচনত এনে ৰূপত দুয়ো ভাগ লয় ফটোশ্বুটত। এখন ফটোত দেখা গৈছে যে, পত্নী লুৱানাই পতি আৰ্থাৰক ডিঙিৰ শিকলিত ধৰি টানি লৈ ফুৰিছে। কোনোবাটোত প্ৰভুভক্ত সাৰমেয়ৰ দৰে পত্নীৰ পিছে পিছে পতিয়ে খোজ দিছে। আৰ্থাৰে এই অভিজ্ঞতাৰ কথা ব্যক্ত কৰি কয়, ‘সকলো মানুহ আমাৰ এই কাৰ্যক লৈ আশ্বৰ্যন্বিত হৈ পৰিছিল। আমিও এই কাম কৰি শিহৰণ অনুভৱ কৰিছিলোঁ।’ কেৱল ৰে’ল ষ্টেচনতে নহয়, তেওঁলোকে বজাৰ আৰু বেকাৰীৰ দৰে স্থানতো এনে এডভেন্সাৰ কৰা দেখিবলৈ পোৱা গ’ল। লুৱানা আৰ্থাৰৰ এই ব্যতিক্ৰমী এডভেন্সাৰে এতিয়া ব্যাপক চৰ্চা লাভ কৰিছে।
পিছে ই বহুতকে আমোদ দিয়াৰ লগতে বহুতেই এয়া সকলো বিবাহিত লোকৰে অৱধাৰিত পৰিণতি বুলি বহুতেই সৰস মন্তব্য কৰিছে। পত্নীৰ হাতৰ মুঠিতেই নিজৰ জীৱনৰ গতি-প্ৰকৃতি আৰু বিচৰণৰ পৰিৰ নিৰ্ধাৰিত হৈ পৰাটো একো নতুন কথা নহয় বুলিও বহুতেই হুমুনিয়াহ কাঢ়িছে।
কাইলৈ আপোনাৰ ডিঙিতো শিকলি লগাই পত্নীয়ে যদি প্ৰেমৰ আকৰ্ষণ বৃদ্ধিৰ চেষ্টা কৰে তেন্তে সেয়া বিনা বাক্য ব্যয়ে মানি লোৱাৰ বাবে আপুনিও এতিয়া সাজু হ’ব লাগিব!
Continue Reading
