প্ৰতিষেধক লোৱাৰ পাছতো দেশত ৮০সহস্ৰাধিক পজিটিভ

নতুন দিল্লী : দেশত ক’ভিড প্ৰতিষেধক অভিযান চলি আছে। ক’ভিড প্ৰতিষেধকৰ প্ৰভাৱশালীতাক লৈ বিভিন্ন অধ্যয়ন চলি আছে। তাৰ মাজতে শেহতীয়াকৈ পোহৰলৈ আহিছে আন এক তথ্য। জানিব পৰা মতে, ক’ভিডৰ দুয়োপালি প্ৰতিষেধক লোৱাৰ পাছত দেশত এতিয়ালৈ ৮৭ হাজাৰ লোক ক’ভিড পজিটিভ চিনাক্ত হৈছে।

মন কৰিবলগীয়া যে, এই মুঠ পজিটিভ লোকৰ ভিতৰত মুঠ ৪৬শতাংশ পজিটিভ চিনাক্ত হৈছে কেৱল, কেৰালাৰ পৰা। কেন্দ্ৰীয় স্বাস্থ্য মন্ত্ৰণালয়ৰ এক সূত্ৰই এই কথা প্ৰকাশ কৰিছে। কেৰালাত ক’ভিডৰ প্ৰথমপালি প্ৰতিষেধক গ্ৰহণৰ পাছত প্ৰায় ৮০ হাজাৰ লোক পজিটিভ চিনাক্ত হৈছে।

দুয়োপালি প্ৰতিষেধক লোৱাৰ পাছত ৪০হাজাৰ লোক চিনাক্ত হৈছে প্ৰতিষেধক। তদুপৰি ৰাজ্যখনৰ কেৰালাৰ ৱায়নাডত সম্পূৰ্ণৰূপে টিকাকৰণ কৰাৰ পাছতো বৃহৎসংখ্যক লোক পজিটিভ চিনাক্ত হৈছে।