ডিজিটেল ডেস্কঃ পাঁচখন ৰাজ্যত অনুষ্ঠিত বিধানসভা নিৰ্বাচনৰ ফলাফল ৩ ডিচেম্বৰত প্ৰকাশ পাব। ইতিমধ্যে পাঁচোখন ৰাজ্যত ভোটদান প্ৰায় সম্পূৰ্ণ হৈছে। প্ৰস্তুতিৰ সম্পূৰ্ণ ব্লুপ্ৰিণ্ট প্ৰস্তুত কৰিছে নিৰ্বাচন আয়োগে। এক্সিট পোলো আহিবলৈ আৰম্ভ কৰিছে। এক্সিট পোলেই হওক বা নিৰ্বাচনৰ ফলাফল হওক, কোনো প্ৰাৰ্থী বা দলৰ বৰ্ণনাৰ বাবে নিৰ্বাচনৰ চিহ্ন ব্যৱহাৰ কৰা হয়। এতিয়া ইয়াত প্ৰশ্ন উত্থাপন হৈছে যে কি কি বস্তু নিৰ্বাচনৰ প্ৰতীক হিচাপে ব্যৱহাৰ কৰা নহয়।
নিৰ্বাচন আয়োগে আঞ্চলিক ৰাজনৈতিক দলসমূহক নিৰ্বাচনী প্ৰতীক আবণ্টন দিয়াৰ ক্ষমতা দিছে৷ The Election Symbols (Reservation and Allotment) Order,; 1968 ৰ অধীনত এই ক্ষমতা প্ৰদান কৰা হৈছে৷ ইয়াৰ অধীনত নিৰ্বাচন আয়োগৰ ১০০ৰ পৰা ১২৫টা প্ৰতীক চিহ্ন আছে। এইবোৰ কোনো দলৰ বাবে আবণ্টিত নহয়। এইবোৰ চিহ্ন নতুন দল বা নিৰ্দলীয় প্ৰাৰ্থীক নিৰ্বাচনী প্ৰতীক হিচাপে আবণ্টন দিয়া হয়। নিৰ্বাচন আয়োগে নিৰ্বাচনী প্ৰতীক আবণ্টন দিয়া জাতীয় দলসমূহ সংৰক্ষিত শ্ৰেণীৰ অন্তৰ্গত;সমগ্ৰ দেশতে এই নিৰ্বাচনী প্ৰতীকসমূহৰ ওপৰত সংশ্লিষ্ট দলৰ একচেটিয়া অধিকাৰ আছে।
উল্লেখ্য যে দেশত পশু অধিকাৰ কৰ্মীৰ প্ৰতিবাদৰ পাছতে নিৰ্বাচন আয়োগে জীৱ-জন্তু আৰু চৰাইৰ ফটোসহ নিৰ্বাচনী প্ৰতীক দিয়া বন্ধ কৰি দিছে। এতিয়া কেৱল নিৰ্জীৱ বস্তুহে নিৰ্বাচনী প্ৰতীক হিচাপে দিয়া হৈছে। যেনে জোতা, চেণ্ডেল, এয়াৰ কণ্ডিচনাৰ, ফুলকবি, নেল কাটাৰ, এক্সটেনচন বৰ্ড, কফি ইত্যাদি। স্মৰ্তব্য যে নিৰ্বাচন আয়োগ স্বায়ত্তশাসিত সাংবিধানিক কৰ্তৃপক্ষ। এই সংস্থাই ভাৰতত লোকসভা, ৰাজ্যসভা, ৰাজ্যিক বিধানসভা, ৰাষ্ট্ৰপতি আৰু উপ-ৰাষ্ট্ৰপতি পদৰ বাবে নিৰ্বাচন অনুষ্ঠিত কৰে।
Continue Reading
