পুনৰ ভয়াৱহ সংকটৰ দিশে দেশ, দৈনিক লাখে লাখে আক্ৰান্ত কৰ’নাত

নতুন দিল্লী : আমেৰিকা, ব্ৰাজিলতকৈয়ো শোচনীয় হৈছে ভাৰতৰ কৰ’না পৰিস্থিতি৷ দেশত মঙলবাৰে চিনাক্ত হৈছে ১ লাখ ১৫ হাজাৰ কৰ’না আক্ৰান্ত। বিগত ২৪ ঘণ্টাত মৃত্যু হৈছে ৬৩০জনকৈ লোকৰ৷ ভাৰতৰ ক’ভিড পৰিস্থিতি লৈ উদ্বিগ্ন হৈ পৰিছে নিটি আয়োগ৷ পৰৱৰ্তী ৪সপ্তাহ দেশৰ বাবে জটিল সময় হোৱাপ আশংকা ব্যক্ত কৰা হৈছে৷ এই সংক্ৰমণ অব্যাহত থাকিলে দেশ ব্যাপকভাৱে ক্ষতিগ্ৰস্ত হ’ব বুলি সকীয়নি দিয়ে নিটি আয়োগৰ বিশেষজ্ঞই৷

আৰু পঢ়িব পাৰিব : একে নিশাই তিনিটা বিধ্বংসী অগ্নিকাণ্ড ! অগ্নিদগ্ধ ৭জন

ইফালে, দেশৰ কৰ’না পৰিস্থিতিৰ ভয়াৱহতাৰ প্ৰতি লক্ষ্য ৰাখি মহাৰাষ্ট্রৰ পিছত দিল্লীতো মঙলবাৰৰ পৰা নৈশ সান্ধ্য আইন জাৰি কৰা হয়৷ মহাৰাষ্ট্রত মঙলবাৰে আক্ৰান্ত হয় ৫৫হাজাৰ লোক৷ মহাৰাষ্ট্রত ভয়াৱহ পৰিস্থিতিৰ সৃষ্টি হোৱা হেতুকে অক্সিজেন যোগান ধৰিবলৈ আন ৰাজ্যসমূহক আহ্বান জনায়৷

আৰু পঢ়িব পাৰিব : নৈত গা ধুবলৈ গৈ তিনি কিশোৰৰ সলিল সমাধি !

ইফালে, মুম্বাইত কালিৰ দিনটোতে ১০ হাজাৰ লোক আক্ৰান্ত হোৱাৰ পাছৰে পৰা মুম্বাইৰ সমুদ্ৰ তীৰত জনসমাগম নিষিদ্ধ কৰে৷ যোৱা বছৰৰ ৫ নবেম্বৰৰ পাছত এদিনতে সৰ্বাধিক আক্ৰান্তৰ মৃত্যুৰ অভিলেখ সৃষ্টি হয় মঙলবাৰে৷ দেশত এতিয়া মুঠ আক্ৰান্তৰ সংখ্যা বৃদ্ধি পাইছে ১ কোটি ২৮ লাখলৈ।