ডিজিটেল ডেস্কঃ কেন্দ্ৰীয় চৰকাৰৰ কৰ্মচাৰীসকলৰ বাবে দুৰ্গা পূজাৰ পূৰ্বে আহিছে এক সুখবৰ। আশা কৰা ধৰণেই কেন্দ্ৰীয় চৰকাৰে কৰ্মচাৰীসকলৰ বাবে বৃদ্ধি কৰিছে মৰগীয়া বানচ । দুৰ্গা পূজাৰ ঠিক আগে আগে কেন্দ্ৰীয় চৰকাৰৰ কৰ্মচাৰীসকলৰ মৰগীয়া বানচ বৃদ্ধি কৰাৰ কথাই এতিয়া কৰ্মচাৰীসকলক আনন্দিত কৰি তুলিছে।
কেন্দ্ৰীয় চৰকাৰে ঘোষণা কৰা অনুসৰি কেন্দ্ৰীয় চৰকাৰৰ কৰ্মচাৰীসকলে জুলাই ২০২৩-ৰ পৰা কাৰ্ষকৰী হোৱাকৈ বৰ্ধিত হাৰত মৰগীয়া বানচ লাভ কৰিব। তেওঁলোকে বাকী কেইমাহৰ মৰগীয়া বানচ বকেয়া হিচাবত লাভ কৰিব।
কেন্দ্ৰীয় চৰকাৰৰ কৰ্মচাৰীসকলৰ বাবে মৰগীয়া বানচ কিমান শতাংশ বৃদ্ধি হৈছে? এতিয়ালৈকে, কেন্দ্ৰীয় চৰকাৰৰ কৰ্মচাৰীসকলে সপ্তম দৰমহা আয়োগৰ অধীনত ৪২ শতাংশ মৰগীয়া বানচ লাভ কৰি আহিছে। এইবাৰ তেওঁলোকৰ মৰগীয়া বানচ পুনৰ ৪ শতাংশ বৃদ্ধি কৰা হৈছে। ইয়াৰ ফলত কেন্দ্ৰীয় চৰকাৰৰ কৰ্মচাৰীসকলে জুলাই ২০২৩-ৰ পৰা ৪৬ শতাংশ হাৰত মৰগীয়া বানচ লাভ কৰিব। মৰগীয়া বানচ বৃদ্ধিৰ ফলত কেন্দ্ৰীয় চৰকাৰৰ কৰ্মচাৰীসকলে কিমান লাভান্বিত হ'ব?
ধৰি লওঁক কেন্দ্ৰীয় চৰকাৰৰ কৰ্মচাৰীসকলৰ 'বেছিক পে’ ' হৈছে প্ৰতি মাহে ২০,০০০ টকা। এতিয়ালৈকে তেওঁলোকে ৪২ শতাংশ হাৰত মৰগীয়া বানচ হিচাপে প্ৰতি মাহে ৮,৪০০ টকা লাভ কৰি আহিছে। এইবাৰ মৰগীয়া বানচ ৪৬ শতাংশলৈ বৃদ্ধি হোৱাত ২০,০০০ টকাৰ বেছিক পে’ পোৱা কৰ্মচাৰীয়ে মৰগীয়া বানচ হিচাপে প্ৰতি মাহে ৯,২০০ টকা লাভ কৰিব। অৰ্থাৎ, এনে দৰমহা পোৱা কৰ্মচাৰীয়ে প্ৰতি মাহে মৰগীয়া বানচ হিচাপে পূৰ্বতকৈ ৮০০ টকা অধিক পাব।
Continue Reading
