শিৱসাগৰত ভয়ংকৰ পথ দুৰ্ঘটনাত দুজনকৈ কিশোৰৰ মৃত্যু

ডিজিটেল ডেস্ক: শিৱসাগৰ জিলাৰ গৌৰীসাগৰ আৰক্ষী থানাৰ অন্তৰ্গত চিৰিপুৰীয়া তিনিআলিত শোকাৱহ পথ দুৰ্ঘটনা সংঘটিত হৈছে।

গৌৰীসাগৰ-দিখৌমুখ সংযোগী বৰআলীত সংঘটিত দুৰ্ঘটনাটো। পথ দুৰ্ঘটনাটোত দুজনকৈ কিশোৰৰ মৃত্যু। নিহত ছাত্ৰ দুজন গৌৰীসাগৰ আৰক্ষী থানাৰ অন্তৰ্গত খৰাধৰা আৰু ধনেখোৱা গাঁৱৰ প্ৰিয়ানুজ বৰা(১৬) আৰু ৰিংকু ৰঞ্জন দত্ত বুলি জানিব পৰা গৈছে।

ছাত্ৰ দুজন গৌৰীসাগৰ জুনিয়ৰ কলেজৰ উচ্চতৰ মাধ্যমিক প্ৰথম বৰ্ষৰ ছাত্ৰ আছিল।

AS 04 AJ 8366 নম্বৰৰ এখন স্কুটীৰে কলেজৰ পৰা ঘৰলৈ উভতাৰ পথত একে দিশে গৈ থকা এখন বাইকত স্কুটিখনে পাছফালৰ পৰা খুন্দা মাৰে।

স্কুটীৰ পৰা ছাত্ৰ দুজন উফৰি পৰি এজন ছাত্ৰ থিতাতে নিহত হোৱাৰ লগতে আনজন ছাত্ৰ চিকিৎসালয়লৈ নিয়াৰ পথত মৃত্যু হয়।

আনহাতে স্কুটীখনে পাছফালৰ পৰা খুন্দা মৰা বাইকখন ঘটনাস্থলীৰ পৰা পলায়ন কৰে। দুৰ্ঘটনাটো ইমানেই ভয়াৱহ আছিল যে বাইকত খুন্দা মৰা স্কুটীখন চুঁচৰি গৈ AS 06 AB 6343 নম্বৰৰ ছুইফ্ট ডিজায়াৰ বাহনত খুন্দা মৰাৰ ফলত বাহনখনৰ সন্মুখভাগ ক্ষতিগ্ৰস্ত হয়।

নিহত ছাত্ৰ দুজনক আৰক্ষীয়ে উদ্ধাৰ কৰি মৰোণোত্তৰ পৰীক্ষা সম্পাদনাৰ বাবে শিৱসাগৰ অসামৰিক চিকিৎসলয়লৈ প্ৰেৰণ কৰে।