ডিজিটেল ডেস্ক: অব্যাহত আছে পুষ্পা ২ৰ সফলতাৰ ঢৌ৷ পুষ্পা ২ৱে বক্স অফিচত ভাঙিছে পূৰ্বৰ সকলো অভিলেখ। সমগ্ৰ দেশৰ লগতে বিশ্বজুৰি দৰ্শকৰ অভূতপূৰ্ব সঁহাৰি লাভ কৰিছে ছবিখনে। ৫ ডিচেম্বৰত ছবিগৃহত মুক্তি লাভ কৰা পাছতেই দৰ্শকৰ অভূতপূৰ্ব সমাদৰ লাভ কৰিছে ছবিখনে।
মুক্তি লাভ কৰাৰ ৮ দিনত আল্লু অৰ্জুনৰ ছবিখনে প্ৰভাসৰ ‘কল্কি’ ছবিখন অভিলেখ ভংগ কৰি পুষ্পা-২ ২০২৪ বৰ্ষৰ আটাইতকৈ ডাঙৰ ব্লকবাষ্টাৰ ছবি হিচাপে পৰিগণিত হৈছে।
হায়দৰাবাদত সংঘটিত এক অনাকাংক্ষিত ঘটনাৰ বাবে আইনী ৰোষত পৰি গ্ৰেপ্তাৰ হ’ব লগীয়া হয় অভিনেতাগৰাকী৷ আল্লু অৰ্জুনে এনে এক অনাকাংক্ষিত পৰিস্থিতিৰ সন্মুখীন হোৱাৰ বাবেই ক্ষোভিত হৈ পৰিছে অনুৰাগীসকল৷ অভনেতাগৰাকীৰ গ্ৰেপ্তাৰত অভিনেতাগৰাকীক আৰক্ষীয়ে গ্ৰেপ্তাৰ পিছতে নিম্ন আদালতে অভিনেতাজনক ১৪ দিনৰ ন্যায়িক জিম্মালৈ প্ৰেৰণ কৰিছিল যদিও শেহতীয় খবৰ অনুসৰি অন্তৰ্ৱৰ্তীকালীন জামিন লাভ কৰিছে অভিনেতা গৰাকীয়ে৷
অভিনেতাগৰাকীৰ গ্ৰেপ্তাৰ ঘটনাকলৈ সামাজিক মাধ্যমত তীব্ৰ প্ৰতিক্ৰিয়া সৃষ্টি হৈছে৷বিৰোধী দল আৰু প্ৰবীণ নেতাইও আল্লু অৰ্জুনৰ গ্ৰেপ্তাৰৰ প্ৰতিক্ৰিয়া প্ৰকাশ কৰি বিৰোধিতা কৰিছে।
অন্ধ্ৰৰ প্ৰাক্তন মুখ্যমন্ত্ৰী ৱাই এছ জগন মোহন ৰেড্ডীয়ে আল্লু অৰ্জুনক গ্ৰেপ্তাৰত তীব্ৰ গৰিহণা দি কয় যে আল্লু অৰ্জুনক বিৰুদ্ধে অপৰাধমূলক গোচৰ ৰুজু কৰি গ্ৰেপ্তাৰ কৰা কৰাটো গ্ৰহণযোগ্য নহয়। ইফালে আল্লু অৰ্জুনৰ গ্ৰেপ্তাৰক লৈ পুষ্পা ২ৰ অভিনেত্ৰী ৰশ্মিকা মান্দানাই সামাজিক মাধ্যমত প্ৰতিক্ৰিয়া প্ৰকাশ কৰি অভিনেত্ৰীগৰাকীয়ে লিখিছে ঘটনাটো দুৰ্ভাগ্যজনক আৰু শোকাৱহ আছিল। ইয়াৰ বাবে এজন ব্যক্তিৰ ওপৰত সকলোবোৰ দোষ জাপি দিয়াটো হতাশাজনক। আৰু এইয়া অবিশ্বাস্য আৰু দুখজনক বুলি উল্লেখ কৰে অভিনেত্ৰী গৰাকীয়ে৷
Continue Reading
