ডিজিটেল ডেস্ক: পানীতোলা অঞ্চলৰ গুটিবাৰী গাঁৱত নৰকংকাল উদ্ধাৰ হোৱা ঘটনাই অঞ্চলটোত তীব্ৰ চাঞ্চল্যৰ সৃষ্টি কৰিছে।
উল্লেখযোগ্য যে আজি দিনৰ ভাগত এটা কুকুৰে ওচৰৰে এখন হাবিৰ পৰা লাওখোলা এটা লৈ অহাত ঘটনাটো পোহৰলৈ আহে। এই দৃশ্য দেখি স্থানীয় ৰাইজে সজাগ হৈ আৰক্ষীক অৱগত কৰে।
ঘটনাৰ খবৰ পোৱাৰ পাছতেই আৰক্ষীৰ দল ঘটনাস্থলীত উপস্থিত হৈ তদন্ত আৰম্ভ কৰে। দণ্ডাধীশৰ উপস্থিতিত উদ্ধাৰ হোৱা নৰকংকালটো পৰীক্ষা কৰি প্ৰাথমিকভাৱে ই এগৰাকী ছোৱালীৰ হ’ব পাৰে বুলি সন্দেহ প্ৰকাশ কৰা হৈছে।
ইতিমধ্যে আৰক্ষীয়ে ঘটনাটোৰ সৈতে জড়িত সকলো দিশত তদন্ত চলাইছে। ঘটনাটোক লৈ সমগ্ৰ অঞ্চলটোতে আতংক বিৰাজ কৰিছে।
Continue Reading
