ডিজিটেল ডেস্ক: প্ৰাকৃতিয়ে গঢ়ে প্ৰাকৃতিয়ে ভাঙে ! বতৰ তথা ঠাই ভেদে দুৰ্যোগ বেলেগ বেলেগ হয়।বাৰিষা কালত বান সমস্যাৰ বাবে অসমৰ জনসাধাৰণে বছৰ বছৰ ধৰি জীয়াতু ভুগি অহাৰ দৰে হিমাচল প্ৰদেশৰ জনসাধাৰণে বাৰিষা কালত ভূমিস্খলন, ডাৱৰ বিস্ফোৰণ, বানপানীৰ দৰে প্ৰাকৃতিক দুৰ্যোগৰ সন্মূখীন হৈ আহিছে। হিমাচল প্ৰদেশত যোৱা ২৭ জুনৰ পৰা বানপানীৰ লগতে ৫১ টা ডাৱৰ বিস্ফোৰণ সংঘটিত হোৱা বুলি জানিব পৰা গৈছে।
ডাৱৰ বিস্ফোৰণৰ লগতে বাৰিষাৰ ধৰাসাৰ বৰষুণে হিমাচল প্ৰদেশৰ জনসাধাৰণৰ ওপৰত বিৰূপ প্ৰভাৱ পেলাইছে। ৰাজ্যখনত এতিয়ালৈকে ডাৱৰ বিস্ফোৰণ আৰু বানাক্ৰান্ত হৈ ৩১ জন লোকৰ মৃত্যু হৈছে। ৩৩ জন লোক সন্ধানহীন হৈ আছে বুলি জানিব পৰা গৈছে। ডাৱৰ বিস্ফোৰণৰ ফলত ৮৩ টা ঘৰ সম্পূৰ্ণৰূপে ধ্বংস প্ৰাপ্ত হোৱা লগতে ৩৮ টা ঘৰৰ কম-বেছি পৰিমাণে ক্ষয়ক্ষতি হোৱা পৰিলক্ষিত হৈছে। হিমাচল প্ৰদেশত ডাৱৰ বিস্ফোৰণ আৰু বানৰ লগতে ৩৭টা ভূমিস্খলনৰ ঘটনাও পৰিলক্ষিত হৈছে।
প্ৰাকৃতিক দুৰ্যোগে ৰাজ্য খনত বিস্তৰ ক্ষতিসাধন কৰিছে। যোৱা ২৪ ঘণ্টাত ৰাজ্যখনৰ বিভিন্ন প্ৰান্তত ধাৰাসাৰ বৰষুণ আৰু বতাহ ধুমুহা পৰিলক্ষিত হৈছ্লি।ছিমলা বতৰ বিজ্ঞান কেন্দ্ৰই শনিবাৰে বৰষুণৰ বাবে ইয়েল্ল’ এলাৰ্ট জাৰি কৰিছে। দেওবাৰ আৰু সোমবাৰে ৰাজ্যত বতৰ পৰিষ্কাৰ হৈ থকাৰ সম্ভাৱনা প্ৰকট কৰিছে ছিমলা বতৰ বিজ্ঞান কেন্দ্ৰই। বুধবাৰে পুনৰবাৰ বতৰৰ সাল সলনি হ’ব আৰু ৰাজ্যৰ বিভিন্ ঠাই বৰষুণ হোৱাৰ সম্ভাৱনা আছে বুলি সদৰি কৰিছে।ৰাজ্য খনত ২৭ আৰু ২৮ আগষ্টতো ইয়েল্ল’ এলাৰ্ট জাৰি কৰিছে বতৰ বিজ্ঞান কেন্দ্ৰটোৱে।
Continue Reading
