ডিজিটেল ডেস্ক: শনিবাৰেই ঘটিছিল এক অঘটন৷ নিৰ্মিয়মান এটা সুৰংগত আবদ্ধ হৈ পৰিছিল ৮জনকৈ শ্ৰমিক৷সুংৰগটোৰ ১৪ কিঃমিঃ ভিতৰত আবদ্ধ হৈছিল সুৰংগটোত কৰ্মৰত ৮ জনকৈ শ্ৰমিক৷ সুৰংগটোৰ ভিতৰত প্ৰায় ৭২ ঘণ্টা ধৰি জীৱন-মৃত্যুৰ সৈতে যুঁজিছে আবদ্ধ শ্ৰমিকসকলে৷
উদ্ধাৰকাৰী দলে ধাৰাবাহিকভাৱে চলাই গৈছে উদ্ধাৰ অভিযান কিন্তু বৰ্তমানলৈ সুৰংগৰ ভিতৰত আবদ্ধ শ্ৰমিকৰ কোনো সন্ধান লাভ কৰা নাই উদ্ধাৰকাৰী দলে৷
সময় বাগৰি গৈ থকাৰ লগে লগে সুৰংগটোত বৃদ্ধি পাইছে জলস্তৰ৷ সুৰংগৰ ভিতৰৰ পৰা পানী নিষ্কাশন কৰিও সুংৰগ পানী শেষ কৰিব পৰা নাই, যাৰ বাবে ব্যাঘাত জন্মিছে উদ্ধাৰ অভিযানতো৷ আবদ্ধ ৮ শ্ৰমিকক জীৱন্তে উদ্ধাৰ কৰিবলৈ চেষ্টা অব্যাহত ৰাখিছে এনডিআৰএফে৷
শনিবাৰে তেলেংগানাত সুৰংগ খহি আবদ্ধ হৈছিল ৮ শ্ৰমিক৷ আবদ্ধ ৮ শ্ৰমিকৰ বাবে এতিয়া প্ৰাৰ্থনা কৰিছে সমগ্ৰ দেশবাসীয়ে৷
Continue Reading
