ডিজিটেল ডেস্কঃ মানুহৰ জীৱনত এটা সুস্বাস্থ্যৱান শৰীৰৰ অতি প্ৰয়োজন। মানুহে সদায় নিজকে সুস্থ-সবল কৰি ৰাখিবলৈ চেষ্টা কৰা উচিত। বহু মানুহে কোন সময়ত কি খাব লাগে নাজানে বা কি বস্তুৰ লগত কি খোৱাটো নিষিদ্ধ নাজানে ফলত স্বাস্থ্যৰ বিঘিনি ঘটিবলৈ আৰম্ভ কৰে। সেইবাবে আমি খোৱা খাদ্যবোৰত গুৰুত্ব দিব লাগিব। স্বাস্থ্য ভালে থাকিলে মন ভালে থাকে। টকা-পইচাতকৈও ডাঙৰ সম্পদ স্বাস্থ্য, সেয়েহে স্বাস্থ্যক পৰম ধন বুলি কোৱা হয়।
ৰাতি কিছুমান খাদ্য খোৱা একেবাৰে উচিত নহয়। জানো আহক ৰাতি কি কি খাদ্য খাব নালাগেঃ-
১) ৰাতি শাক খাব নালাগে। কাৰণ শাকে কেতিয়াবা পাচন ক্রিয়াত খেলিমেলি সৃষ্টি কৰিব পাৰে, গেছ, এচিডিটি বা বদহজম হ’ব পাৰে৷ ৰাতি শাক খোৱাটো বন্ধ কৰক। গেছৰ সমস্যা থকা সকলৰ বাবে ৰাতি শাক খালে অতিকে বেয়া।
২) ৰাতি তিয়ঁহ, বিলাহী, গাজৰ আদিৰ কেঁচা চালাড খাব নালাগে। কেঁচা চালাড হজম হওঁতে অলপ সময় লাগে৷
৩) ৰাতি ফুলকবি, ব্রকলি, তিতাকেৰেলা,তিয়ঁহ, অত্যধিক টেঙা, তিতা, জলা বা খাৰযুক্ত খাদ্যও পৰাপক্ষত খাব নালাগে। এইবোৰ খাদ্যই পেটৰ সমস্যা হোৱাৰ উপৰিও টোপনিত ব্যাঘাত হোৱাৰ সম্ভাৱনা থাকে৷
৪) ৰাতি কফী, ডার্ক চকলেট আৰু চাহ বিশেষকৈ গাখীৰ চাহ কমাই খাব লাগে৷ কাৰণ এইবিলাক খাদ্যত কেফেইন নামৰ ৰাসায়নিক পদার্থ থাকে যিয়ে হয়তো টোপনিত ব্যাঘাত জন্মাব পাৰে৷
৫) চীজ, বাটাৰ বা অন্য চর্বিযুক্ত খাদ্য ৰাতি কমাই খাব লাগে৷ ফেট বা চর্বি হজম হওঁতে যথেষ্ট সময় লাগে।
৬) ৰাতি দৈ খাব নালাগে৷ দৈ এবিধ পুষ্টিকৰ খাদ্য কিন্তু ৰাতি সেৱন কৰিলে পার্শ্বক্রিয়া হ’ব পাৰে৷
Continue Reading
