ডিজিটেল ডেস্কঃ বলীউড হওক বা দক্ষিণ ভাৰতীয় চলচ্চিত্ৰ উদ্যোগে হওক যদি ছবিখনত ডাঙৰ ডাঙৰ তাৰকা থাকে তেন্তে ছবিখনৰ বাজেট ১০০ কোটি টকাৰ ওপৰত হয়। ভালদৰে চলিলে সেই ছবিখনে ৫০০ কোটি টকাৰো অধিক ব্যৱসায় কৰিব পাৰে।
ছবিখনৰ বাজেট বৃদ্ধিৰ কাৰণ কেৱল তাৰকা অভিনেতা-অভিনেত্ৰীসকলৰ পাৰিশ্ৰমিক নহয়, ইয়াৰ উপৰিও চিনেমাখনৰ চেট ডিজাইন আৰু কাপোৰৰ বাবেও বহু টকা খৰচ কৰিবলগীয়া হয়। বিশেষকৈ নায়িকাৰ কাপোৰৰ বাবে অধিক ধন খৰচ কৰিব লগা হয়।
বহু জনপ্ৰিয় ছবিত অভিনেত্ৰীসকলে লাখটকীয়া, কোটিটকীয়া সাজ-পোছাক পৰিধান কৰা দেখা যায়। গতিকে এতিয়া প্ৰশ্ন উঠিব পাৰে, এই কাপোৰবোৰ ক’লৈ যায়?
আচলতে এই দামী কাপোৰবোৰ চিনেমাখন মুক্তি পোৱাৰ পাছত নিলামৰ বাবে পঠিওৱা হয়। জনা যায় যে ‘দেৱদাস’ ছবিত মাধুৰী দীক্ষিতে পিন্ধা সেউজীয়া লেহেংগা ৩ কোটি টকাত বিক্ৰী হৈছিল। আনহাতে, ‘মুঝছে ছাদি কৰোগী’ ছবিখনত ছলমান খানে যি টাৱেল পিন্ধিছিল, সেই টাৱেলখনো নিলাম কৰা হ’ল। এই টাৱেলখন প্ৰায় ৪৫ হাজাৰ টকাত বিক্ৰী হৈছিল। কেৱল এয়াই নহয়, বহু সময়ত এই ছবিৰ কাপোৰ আন চিনেমাত ব্যৱহাৰ কৰা হয়। অৱশ্যে এই পোছাক তেতিয়া মুখ্য অভিনেতা বা মুখ্য অভিনেত্ৰীক দিয়া নহয়। এই পোছাক বেকগ্ৰাউণ্ড ডান্সাৰসকলে পিন্ধে।
বলীউডৰ জনপ্ৰিয় ছবি ‘বাণ্টী ঔৰ বাবলি’ৰ ঐশ্বৰ্য ৰায় বচ্চনৰ লেহেংগা ‘বেণ্ড বাজা বাৰাত’ ছবিৰ এটা গীতত এগৰাকী বেকগ্ৰাউণ্ড ডান্সাৰক দিয়া হৈছিল। লগতে বহুতো প্ৰডাকচন হাউছে সাজ-পোছাক ভাড়াত লয়। শ্বুটিং শেষ হ’লে কাপোৰবোৰ ঘূৰাই দিয়া হয়।
Continue Reading
