ডিজিটেল ডেস্কঃ যোৱা কেইবছৰমানৰ পৰা ক্ৰিকেট খেলপথাৰত বাংলাদেশ আৰু শ্ৰীলংকাৰ মুখামুখি হৈছে যাৰ অৰ্থ হৈছে অতিৰিক্ত উত্তেজনা। যোৱা বিশ্বকাপত বাংলাদেশৰ অধিনায়ক ছাকিব আল হাছানে শ্ৰীলংকাৰ অভিজ্ঞ অলৰাউণ্ডাৰ এঞ্জেলো মেথিউছক টাইম আউট কৰিছিল। আফগানিস্তানৰ বিৰুদ্ধে টেষ্ট মেচখনত তেওঁ ফ’ৰ মাৰিও আউট হৈছিল!
আন্তঃৰাষ্ট্ৰীয় মেচত টাইম আউট হোৱা বিশ্বৰ প্ৰথমজন ক্ৰিকেটাৰ হিচাপে পৰিগণিত হয় মেথিউছ। কলম্বোত তেওঁ ব্যক্তিগত স্ক’ৰ ১৪১ত নিজেই নিজকে আউট কৰে। আফগানিস্তানৰ লেগ স্পিনাৰ কায়েছ আহমেদে বলিং কৰি আছিল। লেগ ষ্টাম্পৰ বাহিৰত মেথিউছে বলটো ছুইপ কৰে। তেওঁৰ ফ’ৰ মাৰে। তথাপিও আউট হৈছে শ্ৰীলংকাৰ অভিজ্ঞ অলৰাউণ্ডাৰ।
লেগ ষ্টাম্পৰ বাহিৰত ছুইপ শ্বট, কিন্তু মেথিউছৰ বেটটোৱে উইকেটত আঘাত কৰে। উইকেটৰ ওপৰত থকা দুয়োডাল বেল পৰি গ’ল। স্বাভাৱিকতে তেওঁ হিট উইকেট হিচাপে আউট হৈছিল। ৪ ৰানও হেৰুৱাইছিল। অন্ত পৰিল মেথিউছৰ ১৪১ ৰানৰ ইনিংছ। তেওঁৰ আউটৰ ভিডিঅ’ ছচিয়েল মিডিয়াত ক্ৰিকেট প্ৰেমীৰ মাজত বিয়পি পৰিছে।
আফগানিস্তানে প্ৰথম ইনিংছত ১৯৮ ৰান সংগ্ৰহ কৰে। ইয়াৰ উত্তৰত দ্বিতীয় দিনৰ শেষত শ্ৰীলংকাই ৬ উইকেটত ৪১০ ৰান সংগ্ৰহ কৰে। মেথিউছৰ বাহিৰেও দীনেশ চাণ্ডিমালে ১০৭ ৰান কৰি শতক অৰ্জন কৰে। আয়োজক দলটোৱে ২১২ ৰানত আগবাঢ়ি আছে।
Continue Reading
