ডিজিটেল ডেস্ক: ইৰান যুদ্ধই বিশ্বত ইন্ধনৰ সংকট সৃষ্টি কৰাৰ সময়তে কেন্দ্ৰীয় চৰকাৰে ইলেক্ট্রিক বাহনৰ ব্যৱহাৰত উৎসাহ যোগোৱাৰ বাবে এক বিশেষ পদক্ষেপ গ্রহণ কৰিছে।
উদ্যোগ মন্ত্ৰ্যালয়ে সমগ্র দেশত ৪,৮৭৪টা চার্জিং ষ্টেছন স্থাপন কৰিব। এই প্রকল্পৰ বাবে মন্ত্র্যালয়ে ৫০৩.৮৬ কোটি টকা মঞ্জুৰ কৰিছে। এই প্রকল্প হাতত লোৱা হৈছে প্রধানমন্ত্রী ই-ড্রাইভ আঁচনিৰ অধীনত।
ইয়াৰ যোগেদি কেন্দ্ৰীয় চৰকাৰে দেশত ইলেক্ট্রিক চাৰ্জিঙৰ এক শক্তিশালী নেটৱৰ্ক প্ৰস্তুত কৰিবলৈ বিচাৰিছে। এই ষ্টেছনসমূহত ইলেক্ট্রিক দুচকীয়া, তিনি চকীয়া, চাৰি চকীয়া যাত্রীবাহী বাহন, বাছ আৰু গধুৰ ট্ৰাকৰ চাৰ্জিং কৰিব পৰা যাব।
ইলেক্ট্রিক চার্জিং ষ্টেছন দেশৰ বিভিন্ন ৰাজ্যত স্থাপন কৰা হ'ব। ইয়াৰ ভিতৰত কৰ্ণাটক, ৰাজস্থান, অন্ধ্র প্রদেশ, গুজৰাট, কেৰালা, তেলেংগানা আৰু তামিলনাডুও আছে। কেন্দ্রীয় মন্ত্রী এইচ ডি কুমাৰস্বামীয়ে কালি বেংগালুৰুত এই কথা প্রকাশ কৰে।
Continue Reading
