ডিজিটেল ডেস্ক : শ্ৰীমদ্ভভাগৱত গীতাত ভগৱান শ্ৰীকৃষ্ণৰ শিক্ষাৰ বৰ্ণনা পোৱা যায়। গীতাৰ এই শিক্ষাসমূহ মহাভাৰত যুদ্ধৰ সময়ত অৰ্জুনক শ্ৰীকৃষ্ণই দিছিল। গীতাত দিয়া শিক্ষা আজিও সমানেই প্ৰাসংগিক আৰু জীৱন-যাপনৰ ক্ষেত্ৰত সাধাৰণ লোকক সঠিক পথ দেখুৱাইছে। গীতাই জীৱনত ধৰ্ম, কৰ্ম আৰু প্ৰেমৰ পাঠ শিকায়। শ্ৰীমদ্ভভাগৱত গীতাৰ জ্ঞান মানৱ জীৱনৰ বাবে উপযোগী বুলি গণ্য কৰা হয়। গীতা হৈছে-জীৱনৰ এক সম্পূৰ্ণ দৰ্শন আৰু ইয়াক অনুসৰণ কৰা ব্যক্তিজনেই জীৱনত সফলতা অৰ্জন কৰে।
গীতাৰ শিক্ষা-
১. শ্ৰীকৃষ্ণই গীতাত কৈছে যে যেতিয়া উপয়ুক্ত সময় আহে তেতিয়াই ঈশ্বৰে নিশ্চিতভাৱে আপোনাক সঠিক লোকৰ সৈতে চিনাকি কৰাই দিয়ে। যিয়ে আপোনাৰ জীৱনত বহু ধৰণে প্ৰভাৱ পেলাব পাৰে।
২. গীতাত উল্লেখ আছে যে প্ৰেমৰ অৰ্থ কাৰোবাক বিচাৰি পোৱা নহয়, তাৰ মাজত বিলীহ হৈ যোৱা। শ্ৰীকৃষ্ণই কৈছে যে প্ৰেম মানে অকল পোৱা বা কাঢ়ি লোৱা নহয়, বৰঞ্চ প্ৰেম মানে হ’ল ত্যাগ কৰা।
৩. কোনো ব্যক্তিৰ লগত বেছি আকৰ্ষণ হোৱা উচিত নহয় কাৰণ অত্যধিক আকৰ্ষণ ক্ষতিকাৰক হৈ পৰে। অত্যধিক মোহে মানুহক এটা আশাৰ দিশে লৈ যায় আৰু পাছলৈ এই আশাই দুখৰ কাৰণ হৈ পৰে।
৪. শ্ৰীকৃষ্ণই কৈছে যে আমাৰ জীৱনৰ লগত জড়িত সকলো গুৰুত্বপূৰ্ণ সিদ্ধান্ত আমি নিজেই লোৱা উচিত কাৰণ এজন ব্যক্তিয়ে পাছত অনুশোচনা কৰাৰ লগতে এটা সিদ্ধান্তই আপোনাৰ অভিজ্ঞতাও বৃদ্ধি কৰে।
৫. গীতাত উল্লেখ আছে যে এজন ব্যক্তিয়ে নিজকে অসংযম খাদ্যৰ পৰা আঁতৰাই ৰাখিব লাগে। এনে খাদ্যই মনত অস্থিৰতা আৰু ত্ৰুটিপূৰ্ণ চিন্তাৰ সৃষ্টি কৰে, যাৰ ফলত চিন্তাধাৰা বিকৃত হৈ পৰে।
৬. শ্ৰীকৃষ্ণই গীতাত কৈছে যে আপোনাৰ লগত যিমানেই প্ৰতাৰণা নহওক কিয়, আপোনাৰ পৰা ঈশ্বৰৰ আশীৰ্বাদ কোনেও কাঢ়ি নিব নোৱাৰে। গতিকে বহু কষ্টৰ সন্মুখীন হ’লেও ঈশ্বৰৰ ওপৰত বিশ্বাস হেৰুৱাব নালাগে।
Continue Reading
