ডিজিটেল ডেস্কঃ ২৫ জুন, ১৯৮৩ চন। ভাৰতীয় ক্ৰিকেটৰ ইতিহাসত 'ৰেড লেটাৰ ডে’ । দেশৰ কোনো ক্ৰিকেট অনুৰাগীৰ বাবে এই তাৰিখটো পাহৰি যোৱাটো সম্ভৱ নহয়। শক্তিশালী ৱেষ্ট ইণ্ডিজক পৰাস্ত কৰি প্ৰথমবাৰৰ বাবে বিশ্বকাপ জয় কৰি ২২ গজৰ ক্ৰীজত ইতিহাস ৰচিছিল টীম ইণ্ডিয়াই। সৌজন্যত কিংবদন্তী কপিল দেৱ।
ক্ৰিকেটৰ মক্কা খ্যাত লৰ্ডছত কপিল এণ্ড কোম্পানীয়ে হাতত তুলি লৈছিল ট্ৰফী। আইপিএল ফ্ৰেঞ্চাইজী লক্ষ্ণৌ ছুপাৰ জায়েন্টছে শনিবাৰে টুইটাৰত সেই ঐতিহাসিক মুহূৰ্তৰ এটা ভিডিঅ’ শ্বেয়াৰ কৰে। বিচিচিআইয়েও এই ঐতিহাসিক দিনটো স্মৰণ কৰিছে। এই জয়ৰ আঙুলিত ধৰিয়েই ভাৰতীয় ক্ৰিকেটক নৱজাগৰণৰ সূচনা হৈছিল। ইয়াৰ পিছতে বিশ্ব ক্ৰিকেটৰ মানচিত্ৰত ক্ৰমাত উজ্জীৱিত হ’বলৈ ধৰে ভাৰতীয় ক্ৰিকেট।
স্মৰ্তব্য যে, লয়েডেৰ ৱেষ্ট ইণ্ডিজে টছত জয়লাভ কৰি বেটিংৰ বাবে অনুমোদন জনায় ভাৰতক। কিন্তু চূড়ান্ত বেটিং পতনৰ বাবে ভাৰতে ১৮৩ ৰানতে আটাইকেইটা উইকেট হেৰুৱায়। কৃষ্ণমাচাৰী শ্ৰীকান্ত আছিল ভাৰতৰ সৰ্বোচ্চ ৰান সংগ্ৰহকাৰী বেটাৰ। দলটোৰ হৈ তেওঁ ৩৮ ৰান সংগ্ৰহ কৰে। সন্দীপ পাটিলৰ বেটৰ পৰা আহিছিল ২৭ ৰান।
বেটিং মহাৰথী সুনীল গাভাস্কাৰে মাত্ৰ ২ ৰানতে পেভেলীয়নমুখী হ’বলগীয়া হৈছিল। কিংবদন্তী কপিল দেৱৰ বেটৰ পৰা আহিছিল ১৫ ৰান। মহিন্দৰ অমৰনাথ আৰু মদন লালে তিনিটা উইকেট দখল কৰি কেৰিবিয়ান বেটিং লাইনআপ তচনচ কৰে। ৪৩ ৰানৰ ব্যৱধানত জয়লাভ কৰিছিল ভাৰতে। ৮৩-ৰ বিশ্বকাপ জয়ৰ ২৮ বছৰৰ পাছত দ্বিতীয়বাৰৰ বাবে বিশ্বকাপ জয় কৰিবলৈ সক্ষম হয় ভাৰতে। এম এছ ধোনীৰ দলটোৱে ঘৰুৱা মাটিত শ্ৰীলংকাক হুৰুৱাই পুনৰ বিশ্বকাপ জয়ৰ সোণালী মুহূৰ্তৰ সাক্ষী হোৱাৰ সুযোগ প্ৰদান কৰিছিল দেশবাসীক।
Continue Reading
