ডিজিটেল ডেস্কঃ ভাৰত-পাকিস্তানৰ খেলৰ আৰম্ভণিতে কোহলীয়ে এটা ডাঙৰ ভুল কৰিলে!আহমেদাবাদত উত্তেজনাপূৰ্ণ খেলখনৰ ঠিক আগে আগে কোহলীয়ে ভুল জাৰ্চি পিন্ধি খেলপথাৰত নামিবলৈ ওলাই আহিছিল। পিছত বিৰাটে তেওঁৰ ভুল ধৰিব পাৰিলে লগে লগে তেওঁৰ জাৰ্চি সলনি কৰিলে।
কিন্তু তেতিয়ালৈকে বিৰাটৰ ভুল জাৰ্ছি পিন্ধা ছবিখন নেটত ভাইৰেল হৈ পৰে। কোহলীয়ে ভুলবশতঃ বাহুত বগা ফিটা থকা টীম ইণ্ডিয়াৰ জাৰ্চী পিন্ধি খেলপথাৰলৈ গৈছিল। কিন্তু আজিৰ খেল খনত ভাৰতৰ ত্ৰিৰংগা ষ্ট্ৰাইপৰ সৈতে জাৰ্চিহে খেলুৱৈসকলে পিন্ধিছে।
শনিবাৰে ৰোহিত শৰ্মাই টছত জয়ী হৈ প্ৰথমে ফিল্ডিং কৰাৰ সিধ্দান্ত লয়। প্ৰথম ইনিংছত পাকিস্তানে ১০ উইকেটৰ বিনিময়ত ১৯১ ৰান সংগ্ৰহ কৰিবলৈ সক্ষম হৈছে। এই ৰাণৰ প্ৰত্যাহ্বান ভাৰতে অতি সহজে গ্ৰহণ কৰিব পাৰিব বুলি সকলোৱে ধাৰণা কৰিছে। ভাৰতে এতিয়ালৈকে ৫০ অভাৰৰ বিশ্বকাপত সাতবাৰকৈ বিজয়ী হৈছে। আজি হয়তো এই সংখ্যা অষ্টম হ’ব।
Continue Reading
