ভিন্নস্থানত ইভিএমৰ বিসংগতি : ঘন্টাজুৰি অপেক্ষা প্ৰাৰ্থী-ভোটাৰ !

গুৱাহাটীঃ আজি অসমত বহু প্ৰতীক্ষিত প্ৰথম পৰ্যায়ৰ নিৰ্বাচন অনুষ্ঠিত হৈছে। উজনি অসমৰ বহুকেইটা ভোটকেন্দ্ৰত ইভিএমৰ বিসংগতিয়ে দেখা দিছে। সোণাৰী সমষ্টিৰ নামতোলা অঞ্চলৰ টাউকাক পঞ্চায়তৰ ৱাৰ্ড নং ৫ ৩৯ পোলিং চেণ্টাৰত ইভিএমৰ বিসংগতিয়ে দেখা দিয়াৰ লগতে ৮৩নং ধিং সমষ্টিৰ মৈৰাবাৰী মৌজাত বহু কেন্দ্ৰত বিকল হৈছে ইভিএম। হাটিমুৰীয়াৰ ১৬২নং ; মৈৰাবাৰী ছেকেণ্ডাৰী স্কুলৰ ১৮১নং, ১৭৮ নং ভোটকেন্দ্ৰৰ ইভিএম বিকল হোৱাত সাত বজাৰ পৰা ভিৰ কৰা ভোটাৰে বৰ্তমানলৈ ভোট প্ৰদান কৰিব পৰা নাই।

আৰু পঢ়িব পাৰিব : প্ৰথম পৰ্যায়ৰ নিৰ্বাচন : আজি ভাগ্য নিৰ্ণয় হ’ব ২৬৪জন প্ৰাৰ্থীৰ

ইফালে তিতাবৰৰ পানীনৰাৰ ভোটকেন্দ্ৰতো ইভিএম বিকল হোৱাৰ বাবেই আধাঘণ্টা পলমকৈ আৰম্ভ হৈছে ভোটগ্ৰহণ প্ৰক্ৰিয়া। আনফালে টীয়কৰ চেনি আমগুৰি ভোটকেন্দ্ৰতো ইভিএম বিকল হোৱাৰ ফলত ২ঘণ্টা পলমকৈ আৰম্ভ হৈছে ভোটদান প্ৰক্ৰিয়া। যোৰহাটৰ পৰা মেচিন আনিহে আৰম্ভ কৰিছে ভোটদানৰ প্ৰক্ৰিয়া।

ডিব্ৰুগড় জিলাৰ লাহোৱাল সমষ্টিৰ উজনি হাতীমূৰা প্ৰাথমিক বিদ্যালয়তো ৪০গৰাকী ভোটাৰে ভোটদান কৰাৰ পাছতে ইভিএম বিকল হয়। লাহোৱালৰ বিধায়ক ঋতুপৰ্ণ বৰুৱাই ভোটদানৰ বাবে প্ৰায় ৩০মিনিট ধৰি আন ভোটাৰৰ সৈতে লাইনতে থাকিবলগীয়া হয়।

আৰু পঢ়িব পাৰিব : প্ৰেমৰ বাবে কি যে কৰিব নোৱাৰে মানুহে! এই ঘটনা মহাৰাষ্ট্ৰৰ…

ইয়াৰ ফলত অসন্তুষ্টি প্ৰকাশ কৰিছে ভোটাৰসকলে। অতিৰিক্ত নিৰাপত্তা বাহিনীও ভোটকেন্দ্ৰটোত মোতায়েন কৰিবলগীয়া হৈছে। আনফালে মৰিয়নিৰ টেঙাবাৰীস্থিত ভোটগ্ৰহণ কেন্দ্ৰত বিকল হৈছে দুটাকৈ ইভি এম। ভিন্নস্থানত উক্ত ইভিএমসমূহ বিকল হোৱাত অসন্তুষ্টি প্ৰকাশ কৰিছে ভোটাৰসকলে।