ভৰিত দেখা পোৱা এই লক্ষণে উচ্চ কলেষ্টেৰলৰ ইংগিত বহন কৰে, জানো আহক কি কি লক্ষণ

ডিজিটেল ডেস্ক : শৰীৰত উচ্চ কলেষ্টেৰল বহু ৰোগৰ কাৰণ হ’ব পাৰে। এনে অৱস্থাত কলেষ্টেৰল নিয়ন্ত্ৰণ কৰাটো অতি দৰকাৰী। বিশেষকৈ কলেষ্টেৰল বৃদ্ধি হোৱাৰ লগে লগে হৃদযন্ত্ৰৰ ৰোগ হোৱাৰ সম্ভাৱনা বহু পৰিমাণে বৃদ্ধি পায়। ইয়াৰ বাবে ক’ৰ’নাৰী আৰ্টাৰী ডিজিজ, ষ্ট্ৰোক হোৱাৰ আশংকাও বৃদ্ধি পায়। তেজৰ পৰীক্ষাৰ জৰিয়তে উচ্চ কলেষ্টেৰলৰ মাত্ৰা ধৰা পেলাব পাৰি। ইয়াৰ বাহিৰেও কলেষ্টেৰলৰ আন বহুতো লক্ষণ দেখা যায়। বিশেষকৈ ভৰিত কলেষ্টেৰলৰ কিছুমান লক্ষণ দেখা যায়। এই লক্ষণসমূহৰ বিষয়ে জানো আহক-

 ১. অতি ঠাণ্ডা তলুৱাঃ-তথ্য অনুসৰি যদি আপোনাৰ ভৰি আৰু তলুৱা অতি ঠাণ্ডা হয়, তেন্তে ই উচ্চ কলেষ্টেৰলৰ ইংগিত বহন কৰে। এনে অৱস্থাত তৎক্ষণাত চিকিৎসকৰ কাষ চাপিব লাগে। কিন্তু আন কিছুমান সমস্যাৰ বাবেও ভৰিৰ তলুৱা ঠাণ্ডা হ’ব পাৰে। সেইবাবেই সময়মতে তেজৰ পৰীক্ষা কৰাইহে নিৰ্দিষ্ট সিদ্ধান্তত উপনীত হ’ব পাৰে।

 ২. ভৰিৰ ৰঙৰ পৰিৱৰ্তনঃ-কলেষ্টেৰলৰ পৰিমাণ বেছি হোৱাৰ বাবে শৰীৰৰ অংগসমূহলৈ তেজৰ সোঁত কমিবলৈ আৰম্ভ কৰে। এনে অৱস্থাত ছালৰ ৰঙৰ পাৰ্থক্য দেখা যায়। বিশেষকৈ শৰীৰত অক্সিজেন আৰু পুষ্টিকৰ উপাদানৰ অভাৱৰ বাবে ভৰিৰ ৰং হালধীয়া দেখা দিব পাৰে। এনে অৱস্থাত তৎক্ষণাত চিকিৎসকৰ সৈতে যোগাযোগ কৰক। কিছু ক্ষেত্ৰত ভৰিৰ ৰং বেঙুনীয়া বা নীলা দেখা যাব পাৰে।

 ৩. ভৰিৰ বিষঃ-যদি অকাৰণতে ভৰিৰ বিষ হয়, তেন্তে ই কলেষ্টেৰলৰ লক্ষণ হ’ব পাৰে। ইয়াৰ উপৰি ভাগৰ লগা বা আলস্য অনুভৱ হোৱা আদি লক্ষণসমূহো কলেষ্টেৰলৰ হ’ব পাৰে। এই অৱস্থাত চিকিৎসকৰ পৰামৰ্শ লোৱা উচিত।