ডিজিটেল ডেস্ক: জুবিন গাৰ্গ নোহোৱা হোৱা আজি ছমাহ হল। ২০২৫ বৰ্ষৰ ৯ ছেপ্টেম্বৰ দিনটোক কেতিয়াও পাহৰিব নোৱাৰে অসমীয়াই। সেই দিনটোতে কায়িকভাৱে আমাৰ মাজৰ পৰা গুচি গল প্ৰাণৰ আপোন শিল্পী জুবিন গাৰ্গ। জুবিনৰ মৃত্যুত অসমীয়াৰ বুকুৰ কেঁচা ঘাঁ ডোখৰ আজিও শুকুৱা নাই। আজিও তেওঁক মনত পেলাই চকুপানী টোকে অসমীয়াই।
পাহৰিব নোৱাৰা সেই ক’লা দিনটোৱে চকুৰ পলকতে ছমাহ সম্পূৰ্ণ কৰিলে। কায়িকভাৱে জুবিন গাৰ্গ নোহোৱা হোৱা আজি ছমাহ সম্পূৰ্ণ হ’ল। এই ছমাহত জুবিনৰ মৃত্যু তদন্তৰ বাবে চৰকাৰৰ SIT গঠন, SITৰ চাৰ্জশ্বীট দাখিল। আৰম্ভ হ’ল আদালতত ন্যায়িক প্ৰক্ৰিয়া। অতি পৰিতাপৰ কথা যে জুবিনক্ষেত্ৰৰ সমাধি আজি ছমাহে সম্পূৰ্ণ নহ’ল। যাৰ বাবে ক্ষোভত আছে সমগ্ৰ অসমবাসী।
জুবিন নোহোৱা হোৱাৰ ৬মাহ দিনটোতে আজি সত্ৰ আদালতত জুবিন হত্যা গোচৰৰ শুনানি। আদালতত অভিযুক্ত সকলক চার্জফ্ৰেম কৰাৰ সম্ভাৱনা। ২২ ডিচেম্বৰত সত্ৰ আদালতলৈ গোচৰটো হস্তান্তৰ হৈছিল। CJMৰ পৰা সত্ৰ আদালতলৈ হস্তান্তৰ হৈছিল গোচৰটো। ৩ জানুৱাৰীত সত্ৰ আদালতত প্ৰথমটো শুনানি হৈছিল। আজি হ’ব জুবিন গাৰ্গৰ গোচৰৰ ১১ নম্বৰ শুনানি।
Continue Reading
