ডিজিটেল ডেস্কঃকৌতুক অভিনেতা কপিল শৰ্মাই এইবাৰ তেওঁৰ দ্বিতীয় খন ছবিৰ কামত হাত দিছে। কপিল শৰ্মাৰ নতুন ছবি Zwigato ৰ পোষ্টাৰ মুকলি কৰাৰ পিছতে দেশৰ চলচ্চিত্ৰপ্ৰেমীসকলৰ মাজত উৎকণ্ঠাৰ সৃষ্টি হৈছে। চলচ্চিত্ৰখনৰ পোষ্টাৰখনে মানুহৰ মনোযোগ আকৰ্ষণ কৰিছে।
টিভিৰ বিখ্যাত কৌতুক অভিনেতা কপিল শৰ্মাক মানুহে কেৱল আনক হঁহুওৱা লোক হিচাবেই দেখি আহিছে। কিন্তু এইবাৰ কপিল শৰ্মাক দেখা যাব অন্য এক ৰূপত।ডেলিভাৰী বয়ৰ ৰূপত দেখা যাব কপিল শৰ্মাক।ছবি খনৰ শ্বুটিঙৰ বাবেই কুছুদুন ধৰি কপিল সৰু পৰ্দাৰ পৰা আঁতৰি আছিল ।
কপিলে এতিয়া কৌতুকৰ পৃথিৱীৰ পৰা অলপ বাহিৰলৈ গৈ কীম কৰাৰ ইচ্ছা প্ৰকাশ কৰিছে। এতিয়া তেওঁৰ দ্বিতীয় খন ছবি Zwigato পোষ্টাৰ মুকলি কৰা হৈছে।কপিল শৰ্মাই তেওঁৰ আহিবলগীয়া ছবি Zwigato ৰ পোষ্টাৰ বিভিন্ন মাধ্যমত শ্বেয়াৰ কৰিছে। চলচ্চিত্ৰ নিৰ্মাতা নন্দিতা দাসৰ দ্বাৰা পৰিচালিত এই ছবিখনত শ্বাহনা গোস্বামীয়ে কপিলৰ পত্নীৰ চৰিত্ৰত অভিনয় কৰিছে।
চলচ্চিত্ৰখনৰ এটা নতুন ক্লিপ অহা মাহৰ বিশ্ব প্ৰিমিয়াৰৰ আগতে ৪৭ সংখ্যক টৰণ্টো আন্তঃৰাষ্ট্ৰীয় চলচ্চিত্ৰ মহোৎসৱত প্ৰদৰ্শিত হ’ব বুলি জানিব পৰা গৈছে। ইনষ্টাগ্ৰামত পোষ্টাৰখন শ্বেয়াৰ কৰি কপিলে লিখিছে, "Zwigato -এ ৪৭ সংখ্যক টৰণ্টো আন্তঃৰাষ্ট্ৰীয় চলচ্চিত্ৰ মহোৎসৱত বিশ্ব প্ৰিমিয়াৰ অনুষ্ঠিত কৰিব।" কপিলে তেওঁৰ কমেডি শ্ব' 'দ্য কপিল শৰ্মা শ্ব'ৰ পৰা বিৰতি লৈ উৰিষ্যাত ছবিখনৰ দৃশ্যগ্ৰহণ কৰিছিল।
Continue Reading
