ডিজিটেল ডেস্ক
ভগৱান শিৱ বহুতৰে প্ৰিয় আৰাধ্য দেৱতা৷ এই ভগৱান শিৱক স্মৰণ কৰিয়েই ৰাজস্থানত নিৰ্মাণ কৰা হৈছে বিশ্বৰ আটাইতকৈ ওখ শিৱৰ প্ৰতিমূৰ্তি৷
এই মূৰ্তিটোৰ নাম 'বিশ্বাস স্বৰূপম'৷
আজি এই বিশেষ মূৰ্তিটোৰ শুভ উদ্ধোধন কৰা হ’ব বুলি জানিব পৰা গৈছে৷ মূৰ্তিটো ৰাজস্থানৰ ৰাজসমন্দ জিলাত নিৰ্মাণ কৰা হৈছে৷ জিলাখনৰ নাথদ্বাৰ চহৰত স্থাপন কৰা ভগৱান শিৱৰ মূৰ্তিটোৰ উচ্চতা ৩৬৯ ফুট ৷উদ্বোধনী অনুষ্ঠানত উপস্থিত থাকিব ৰাজস্থানৰ মুখ্যমন্ত্ৰী অশোক গেহলট, বিধানসভাৰ অধ্যক্ষ চি পি যোশী আদি৷
কিয় বিশেষ এই মূৰ্তিটো :এই মূৰ্তিটো উদয়পুৰৰ পৰা ৪৫ কিলোমিটাৰ দূৰত্বত অৱস্থিত ৷ ধ্যানৰত ভঙ্গীত নিৰ্মিত মূৰ্তিটো প্ৰায় ২০ কিলোমিটাৰ দূৰৈৰ পৰা দৃশ্যমান হয়৷মূৰ্তিটোৱে ৫১ বিঘা ঠাই আগুৰি আছে ৷
উল্লেখযোগ্য যে এই মূৰ্তিটো নিশাৰ ভাগতো স্পষ্টৰূপে দৃশ্যমান হয়৷
মূৰ্তিটোৰ ভিতৰলৈ যাবলৈ দৰ্শকসকলৰ বাবে চাৰিটা লিফ্ট আৰু তিনিটা চিৰিৰ ব্যৱস্থা কৰা হৈছে৷
এই প্ৰকল্পটোৰ আধাৰশিলা ২০১২ চনৰ আগষ্ট মাহত এই প্ৰকল্পটোৰ আধাৰশিলা স্থাপন কৰা হৈছিল আৰু এই মূৰ্তিটো সম্পূৰ্ণ হ'বলৈ ১০ বছৰ সময় লাগিছিল ৷
মূৰ্তিটোৰ নিৰ্মাণত জড়িত সকলৰ মতে প্ৰতিমূৰ্তিটো প্ৰায় ২৫০ বছৰ অক্ষত অৱস্থাত থাকিব৷ তদুপৰি ই প্ৰতি ঘণ্টাত ২৫০ কিলোমিটাৰ পৰ্যন্ত বতাহৰ গতি সহ্য কৰিব পাৰে৷ এই মূৰ্তিটোক লৈ আশাবাদী হৈ পৰিছে ৰাজস্থানবাসী৷ ৰাজস্থানৰ পৰ্যটন ক্ষেত্ৰখন এই মূৰ্তিটোৰ জৰিয়তে টনকিয়াল হোৱাৰ যথেষ্ট সম্ভাৱনা আছে৷
Continue Reading
