ডিজিটেল ডেস্কঃ ফুড ব্লগাৰ নাটাছা ডিড্ডীৰ ৫০ বছৰ বয়সতে মৃত্যু হয়। ২৪ মাৰ্চত নাটাছাৰ মৃত্যু হয়। বহুদিন তেওঁ অসুস্থ হৈ আছিল। খাদ্যৰ পৰীক্ষা-নিৰীক্ষা কৰি তেওঁ ভাল পাইছিল। নাটাছাই আগতে নতুন নতুন ৰেচিপি বনাইছিল আৰু সেই ৰেচিপিবোৰ ছ’চিয়েল মিডিয়াত দেখুৱাইছিল। নাটাছাৰ পেটৰ টিউমাৰ ধৰা পৰিছিল। তেতিয়াৰ পৰাই আৰম্ভ হ’ল ফুড ব্লগাৰজনৰ শাৰিৰীক সমস্যা।
নাটাছাৰ মৃত্যুৰ খবৰ ছ’চিয়েল মিডিয়াত শ্বেয়াৰ কৰে স্বামীয়ে। তেওঁ ইনষ্টাগ্ৰামত লিখিছে, "দুখৰেই মোৰ পত্নী নাটাছা দিদীৰ মৃত্যুৰ কথা আপোনালোকক অৱগত কৰিছোঁ। ২৪ তাৰিখে পুৱা পুনেত তেওঁৰ মৃত্যু হয়। তেওঁৰ ইনষ্টাগ্ৰাম একাউণ্ট ‘The GutlessFoodie’ খোলা থাকিব। কাৰণ মই জানো তাইৰ কাহিনীবোৰে আপোনালোকৰ বহুতকে অনুপ্ৰাণিত কৰে। মই জানো যে আপুনি বাৰে বাৰে তাইৰ ইনষ্টাগ্ৰাম পেজলৈ আহিব বিভিন্ন ৰেচিপিৰ বাবে।’’
নাটাছাৰ ভাতৃ ছেম দিডিয়ে কয় যে প্ৰায় ১২ বছৰ ধৰি নাটাছাৰ শৰীৰত পাকস্থলী নাছিল। টিউমাৰৰ বাবে চিকিৎসকে তেওঁৰ পেট আঁতৰাই পেলায়। কিন্তু এই ঘটনাৰ পিছতো নাটাছাই জীৱনত হাৰ মানিবলৈ অস্বীকাৰ কৰিছিল। শাৰীৰিক অক্ষমতাৰ মাজতো তেওঁ ইটোৰ পিছত সিটো নতুন নতুন ৰেচিপিৰে অনুৰাগীৰ হৃদয় জয় কৰি আহিছে।
ছ’চিয়েল মিডিয়াত ‘দ্য গাটলেছ ফুডি’ নামেৰে পৰিচিত আছিল তিনিওজন। পাৰিবাৰিক সমস্যাৰ বাবে নাটাছাৰ চেফ হোৱাৰ সপোন সফল নহ’ল। পিছলৈ তেওঁ নিজৰ সপোন পূৰণৰ বাবে ছ’চিয়েল মিডিয়াক আহিলা হিচাপে ব্যৱহাৰ কৰিছিল, আৰু তেওঁ বিপুল সফলতা লাভ কৰিছিল।
Continue Reading
