ডিজিটেল ডেস্কঃ ২০২৩ বৰ্ষত মুঠ ৪টা গ্ৰহণ হ’ব। ইয়াৰে ২টা সূৰ্যগ্ৰহণ আৰু বাকী ২টা চন্দ্ৰগ্ৰহণ হ’ব। বছৰৰ প্ৰথমটো সূৰ্যগ্ৰহণ এপ্ৰিল মাহত হ’ব। ২০২৩ চনৰ প্ৰথমটো সূৰ্যগ্ৰহণ অহা ২০ এপ্ৰিলত পুৱা ৭.৪ বজাৰ পৰা নিশা ১২.২৯ বজালৈ হ’ব। এই সূৰ্যগ্ৰহণ ভাৰতৰ পৰা দেখা পোৱা নাযাব। এই সূৰ্যগ্ৰহণ কেৱল অষ্ট্ৰেলিয়া, ভাৰত মহাসাগৰ, দক্ষিণ এছিয়া, প্ৰশান্ত মহাসাগৰ আৰু পূব এছিয়াৰ পৰাহে দেখা পোৱা যাব।
ধৰ্মীয় বিশ্বাসৰ ভিত্তিত সূৰ্যগ্ৰহণৰ প্ৰভাৱ বিভিন্ন ৰাশিৰ লোকৰ ওপৰতে পৰে। কিছুমান ৰাশিৰ ওপৰত ভাল প্ৰভাৱ পৰে আৰু কিছুমানৰ ওপৰত বেয়া প্ৰভাৱ পৰে।
এই সূৰ্যগ্ৰহণত দুটা ৰাশিৰ লোক সাৱধান হ’ব লাগিব। সেইকেইটা কি ৰাশি জানি লওক।
১) কন্যা ৰাশি- সূৰ্যগ্ৰহণৰ সময় কন্যা ৰাশিৰ বাবে অনুকূল নহ’ব বুলি ধাৰণা কৰা হৈছে। এই সূৰ্যগ্ৰহণৰ বাবে কন্যা ৰাশিৰ লোকসকল হয়তো কোনো বিতৰ্কৰ বলি হ’ব পাৰে। সেইবাবে এই ৰাশিৰ লোকসকলে কথা কওতে বিশেষভাৱে সাৱধান হোৱাৰ লগতে সংযম ৰখাটো বিশেষভাৱে প্ৰয়োজন হ’ব। মানুহৰ লগতো সম্পৰ্কৰ অৱনতি ঘটিব পাৰে, গতিকে চাই-চিতি কথা কোৱাটো উচিত হ’ব। ধনৰ অপব্যয় হ’ব পাৰে
২) মকৰ ৰাশি- মকৰ ৰাশিতো এই গ্ৰহণৰ অত্যন্ত প্ৰভাৱ পৰিব পাৰে। মকৰ ৰাশিৰ লোকৰ অপচয়মূলক ব্যয়ৰ সম্ভাৱনা বৃদ্ধি পাব পাৰে। লগতে স্বাস্থ্যৰ ওপৰতো প্ৰভাৱ পৰিব পাৰে। পুৰণি বেমাৰে পুনৰ উক দিব পাৰে। পতি-পত্নীৰ মাজত কাজিয়া হ’ব পাৰে।
Continue Reading
