ডিজিটেল ডেস্ক: ব্যস্ততাৰে ভৰা জীৱনত যেতিয়া নিজৰ প্ৰতি মনোযোগ দিবলৈ সময় পোৱাটো অতি কঠিন হয়। তেনে পৰিস্থিতিত পাকঘৰৰ পৰিষ্কাৰ-পৰিচ্ছন্নতাৰ প্ৰতি গুৰুত্ব দিবলৈ কঠিন হৈ পৰে। সময়মতে অফিচ পোৱাই হওক বা ঘৰত আলহী থকাই হওক, প্ৰতিটো অৱস্থাতে খাদ্য ৰান্ধিবলৈ সকলোৰে খৰখেদা। খৰখেদাকৈ কেতিয়াবা গাখীৰ উতলাই বা কিবা ভাজি থাকোঁতে গেছৰ চৌকাত পৰে। কেতিয়াবা আকৌ শাক-পাচলিৰ মছলা, এনে পৰিস্থিতিত চৌকা আৰু বাৰ্নাৰবোৰ অতি সোনকালে লেতেৰা আৰু ক’লা হৈ পৰে। যিটো চাফা কৰাটো সহজ নহয়। সেইবাবেই আপুনি দুটা। সৰু সৰু কৌশলৰ সহায়ত আপুনি আপোনাৰ গেছ ষ্ট’ভ আৰু বাৰ্নাৰক নতুনৰ দৰে জিলিকাব পাৰিব। জানো আহক সেই বিশেষ কৌশল।
১) ইন'(ENO): আপুনি নিশ্চয় ইন'(ENO) ব্যৱহাৰ কৰিছে, হয় এচিডিটিৰ পৰা মুক্তি পাবলৈ বহুতেই ইন' ব্যৱহাৰ কৰে। কিন্তু আপুনি জানেনে যে আপোনাৰ গেছ ষ্ট’ভ বাৰ্নাৰ পৰিষ্কাৰ কৰাৰ বাবেও ইন' এটা ভাল বিকল্প। যদি আপুনি ইয়াৰ দ্বাৰা বাৰ্নাৰ পৰিষ্কাৰ কৰে, তেন্তে আপুনি কোনো বিশেষ কষ্ট কৰিব নালাগিব। ইয়াৰ বাবে প্ৰথমে এটা বাটিত গৰম পানী লব লাগিব। ইয়াৰ পাছত পানীত দুটা নেমু আৰু ইন' মিহলাব । উক্ত মিশ্ৰণটোত অৰ্থাৎ বাটিটোত বাৰ্নাৰটো ভৰাই থৈ ১০ মিনিট ঢাকি ৰাখিব। কিছুসময়ৰ পাছত বাৰ্নাৰটো উজ্জ্বলভাৱে জিলিকি থকা দেখিব। ইয়াৰ পাছতো যদি কিছু অংশ অপৰিষ্কাৰ যেন অনুভৱ কৰে, তেতিয়া আপুনি টুথব্ৰাছত লিকুইড ডিটাৰজেন্ট লগাই দুমিনিটমান ঘঁহিলে সম্পূৰ্ণ পৰিষ্কাৰ হৈ নতুনৰ দৰে হৈ পৰিব।
২) ডিচৱাছাৰ চাবোন আৰু বেকিং চোডা: এই ক্ষেত্ৰত আন এটা ফলপ্ৰসূ টিপছৰ কথা ক’বলৈ গ’লে বেছিভাগ মানুহেই গেছ ষ্ট’ভ পৰিষ্কাৰ কৰিবলৈ বাচন ধোৱা চাবোন ব্যৱহাৰ কৰে। তৰল চাবোনৰ লগত মিহলি বেকিং চোডা ব্যৱহাৰ কৰিলে চৌকাটো জিলিকি উঠিব। ইয়াৰ বাবে এটা বাটিত সমান পৰিমাণৰ বাচন ধোৱা চাবোন আৰু বেকিং চোডা মিহলাই লওক। এতিয়া স্পঞ্জ বা কপাহী কাপোৰেৰে চৌকাটোত মিশ্ৰণটো লগাব। তাৰ পাছত ২ৰ পৰা ৪ মিনিটৰ পাছত আন এখন কাপোৰেৰে চৌকাটো ভালদৰে চাফা কৰিব।
Continue Reading
