ডিজিটেল ডেস্কঃ কেন্দ্ৰীয় শাসিত অঞ্চল লাডাখৰ লেহ অঞ্চলৰ পৰা আহিছে এক ভয়ংকৰ দুৰ্ঘটনাৰ খবৰ। তথ্য অনুসৰি লেহৰ পৰা পূব লাডাখলৈ যোৱা এখন ব্যক্তিগত বাছ ২০০ মিটাৰ দ খাৱৈত পৰিছে। বৰ্তমানলৈকে এই দুৰ্ঘটনাত ৬ জন লোকৰ মৃত্যু হোৱাৰ খবৰ পোৱা গৈছে। একে সময়তে ২২ জন লোক আহত হোৱা বুলি জানিব পৰা গৈছে। আহত আটাইকেইজনক ততাতৈয়াকৈ চিকিৎসালয়লৈ লৈ যোৱা হৈছে আৰু তাতেই চিকিৎসাধীন হৈ আছে।
এতিয়ালৈকে লাভ কৰা তথ্য অনুসৰি লেহৰ ডাৰবুক অঞ্চলত বাছখন খাৱৈত পৰাৰ ঘটনা সংঘটিত হৈছে। ইয়াত বাছখন পূব লাডাখ অভিমুখে গৈ আছিল যদিও দুৰ্ঘটনাৰ সন্মুখীন হৈ ২০০ মিটাৰ দ খাৱৈত বাগৰি পৰে। আহত একাংশৰ অৱস্থা সংকটজনক হোৱাৰ বাবে তেওঁলোকক চিকিৎসাৰ বাবে জিলা চিকিৎসালয় এছ এন এম লেহলৈ লৈ যোৱা হৈছে।
লেহৰ উপ আয়ুক্ত সন্তোষ সুখদেৱে কয় যে বাছখনত বিবাহ অনুষ্ঠানলৈ যোৱা বিদ্যালয়ৰ কৰ্মচাৰী আছিল। তেওঁ জনোৱা মতে, এই সময়ছোৱাত বাছখন ডাৰবুক অঞ্চলৰ খাৱৈত পৰি যায়। বিষয়াগৰাকীয়ে জানিবলৈ দিয়া মতে, জিলা প্ৰশাসন আৰু আৰক্ষীৰ লোকে আহতসকলক স্থানীয় চিকিৎসালয়ত ভৰ্তি কৰায়, য’ত তেওঁলোকক প্ৰাথমিক চিকিৎসা প্ৰদান কৰা হয়। হেলিকপ্টাৰৰ সহায়ত ২২ জন আহতক লেহৰ এছ এন এম হাস্পতাল আৰু আৰ্মী হাস্পতাললৈ লৈ যোৱা হয়। সুখদেৱে কয় যে আহত দুজনৰ অৱস্থা এতিয়াও সংকটজনক হৈ আছে।
Continue Reading
