ডিজিটেল ডেস্ক: কলকাতাৰ আৰ জি কৰ মেডিকেল কলেজ এণ্ড হস্পিতালৰ লোমহৰ্ষক ধৰ্ষণ আৰু হত্যা কাণ্ডৰ ঘটনাই দেশজুৰি তোলপাৰ সৃষ্টি কৰিযোৱাৰ পাছতে, আন এক খবৰে চৰ্চা লাভ কৰিছে। কলকাতাৰ অপৰাধীৰ দৰে বিকৃত মানসিকতাৰ এজন অটোচালকে দুগৰাকী ছাত্ৰীক অশালীন ব্যৱহাৰৰ কৰাৰ তথ্য পোহৰলৈ আহিছে।
কলকাতাৰ চিকিৎসকগৰাকীৰ লগত যি হৈছিল, ছাত্ৰী দুগৰাকীৰ লগতো তেনে ব্যৱহাৰ কৰাৰ ভাবুকি প্ৰদান কৰে অটো চালকজনে।অটো চালকজনে এই মন্তব্য কৰাৰ লগে লগে ছাত্ৰীদুগৰাকীয়ে অটো চালকজনৰ ওপৰত আক্ৰমণ কৰাৰ লগে লগে।স্থানীয় লোকসকলেও প্ৰহাৰ কৰে অটো চালকজনক। আৰক্ষীয়ে ঘটনাৰ তদন্ত আৰম্ভ কৰা বুলি জানিব পৰা গৈছে।
প্ৰাপ্ত তথ্য অনুসৰি নাগপুৰৰ পাৰ্দী থানাৰ সমীপত ঘটানোটো সংঘটিত হৈছিল। ছাত্ৰী দুয়োগৰাকীয়ে অট’ত গৈ থাকোতে উচ্চস্বৰ কথা পাতি আছিল। চালক জনে উচ্চস্বৰত কথা পাতিবলৈ বধা দিয়াত বিতৰ্কৰ সূত্ৰপাত হয় বুলি জানিব পৰা গৈছে। চালক জনে ছাত্ৰীদুগৰাকীৰ ওচৰত ক্ষমা খুজাৰ পাছতে পৰিস্থিতি শাম কাটে। ঘটনাটোৰ ভিডিঅ’ ছ’চিয়েল মিডিয়াত ভাইৰেল হৈ পৰা পৰিলক্ষিত হৈছে৷
এনে ঘটনাৰ পৰিসাপ্তি ঘটিব নে? শিক্ষা,প্ৰযুক্তি আদিৰ প্ৰসাৰৰ পিছতো মানৱ সমাজত এনে মানসিকতা পৰিতাপৰ বিষয়। প্ৰশ্ন হয় কঠোৰ আইন বলৱৎ কৰিলেই ধৰ্ষণ তথা নিৰ্যাতনৰ দৰে অপৰাধ নিৰ্মূল হ’ব নে?
Continue Reading
