ডিজিটেল ডেস্ক: সুৰা কেলেংকাৰীয়ে দিল্লীৰ ৰাজনীতি উত্তাল কৰি ৰখাৰ সময়তে এইবাৰ ছত্তীশগড়ত উন্মোচিত হৈছে সুৰাৰ আন এক বৃহৎ কেলেংকাৰী৷
ছত্তীশগড়ৰ ২,০০০ কোটিটকীয়া এই কেলেংকাৰী ফাদিল কৰিছে প্ৰৱৰ্তন সঞ্চালকালয়ে৷ এই বৃহৎ কেলেংকাৰী গোপন অধ্যায় ফাদিল কৰি ৰাজ্যখনৰ শীৰ্ষপৰ্যায়ৰ কেইবাগৰাকীও ৰাজনৈতিক নেতা আৰু আমোলাৰ সহায়ত এই বৃহৎ কেলেংকাৰী সংঘটিত হোৱাৰ দাবী কৰিছে ইডিয়ে৷ এই সুৰা কেলেংকাৰীত জড়িত থকাৰ অভিযোগত ইডিয়ে ইতিমধ্যে ৰায়পুৰৰ মেয়ৰ তথা কংগ্ৰেছ নেতা এইজাজ ধেবৰৰ ভাতৃ আনোৱাৰ ধেবৰক গ্ৰেপ্তাৰ কৰিছে৷ .
আদালতে তেওঁক ৪দিনৰ ইডিৰ জিম্মালৈ প্ৰেৰণ কৰিছে৷ এই কেলেংকাৰীৰ চলি থাকোতেই ইডিয়ে বিগত মাৰ্চ মাহত ৰাজ্যখনৰ কেইবাঠাইতো তালাচী চলোৱাৰ লগতে এই কেলেংকাৰীত জড়িত থকাৰ অভিযোগত কেইবাগৰাকীও লোকৰ ভাষ্য গ্ৰহণ কৰিছে৷ ইডিৰ দাবী অনুসৰি ২০১৯-২০২২চনৰ ভিতৰতে সংঘটিত হৈছিল এই বৃহৎ সুৰা কেলেংকাৰী৷
Continue Reading
