ডিজিটেল ডেস্কঃ এছেছ ছিৰিজ শেষ হোৱাৰ এসপ্তাহৰো অধিক হ’ল৷ কিন্তু বিতৰ্ক এতিয়াও শেষ হোৱা নাই। পঞ্চম টেষ্টত বল সলনি কৰি যি বিতৰ্কৰ সৃষ্টি হৈছে তাৰ তদন্ত কৰিব ‘ডুকে’। এই কোম্পানীটোৱেই এছেছ ছিৰিজৰ বাবে বলটো প্ৰস্তুত কৰিছিল।
অষ্ট্ৰেলিয়াৰ দ্বিতীয় ইনিংছৰ মাজভাগত বল সলনি কৰা হৈছিল। ইয়াৰ পিছত পেট কামিন্সে এটাৰ পিছত এটা উইকেট হেৰুৱাই পৰাস্ত হয়। এই সন্দৰ্ভত আনুষ্ঠানিকভাৱে কোনো অভিযোগ উত্থাপন কৰা নাই অষ্ট্ৰেলিয়াৰ দলটোৱে। কিন্তু দলৰ বহুতেই বল সলনি হোৱাত অসন্তুষ্টি প্ৰকাশ কৰে।
বহু বিশেষজ্ঞৰ মতে এই মডিফাইড বলটো ড্যুক সংস্থাটোৱে প্ৰস্তুত কৰা ২০১৮-১৯ বৰ্ষৰ বলসমূহৰ সৈতে মিল আছে। গতিকে বল সলনি কৰাৰ সময়ত এছেছ ছিৰিজৰ বাবে নিৰ্মিত বলটো লোৱা হোৱা নাছিল নেকি? এই প্ৰশ্নৰ উত্তৰ পাবলৈ প্ৰস্তুতকাৰী কোম্পানীয়ে তদন্ত আৰম্ভ কৰিছে।
'ড্যুক’ৰ মুখ্য বিষয়া দিলীপ জাজোদিয়াই কয়, ‘আমি প্ৰতিটো ছিজনৰ বাবে বেলেগ বেলেগ বল বনাওঁ। প্ৰতিটো বলত তাৰিখ লিখা থাকে। এছেছত ব্যৱহাৰ কৰা সকলো বলত ২০২৩ চন ছপা হোৱাৰ কথা। আমি বলটো পোনে পোনে ষ্টেডিয়ামলৈ ডেলিভাৰী দিওঁ। ইংলেণ্ড ক্ৰিকেট ব’ৰ্ড বা আন্তঃৰাষ্ট্ৰীয় ক্ৰিকেট পৰিষদৰ হাতত বল গতাই নিদিও। বলসমূহ খেলপথাৰ কৰ্তৃপক্ষৰ জিম্মাত থাকে। এই ক্ষেত্ৰত ছাৰে কাউন্টি ক্ৰিকেট ক্লাবৰ হাতত আছিল বল। আমি ছিজনৰ আৰম্ভণিতে বলটো ছাৰে কৰ্তৃপক্ষলৈ পঠিয়াই দিছিলোঁ। হয়তো তেওঁলোকে বলবোৰ ভালদৰে ৰক্ষণাবেক্ষণ কৰা নাছিল।’’
জাজোদিয়াৰ মতে ২০১৮-১৯ ছিজনৰ বাবে বল বক্সত থকাটো অসম্ভৱ নহয়। কিন্তু থাকিব নালাগে। ড্যুকে স্বেচ্ছাই নেতৃত্বৰ তদন্ত কৰে। জাজোদিয়াই ক’লে, “আমি নিজৰ স্বাৰ্থত তদন্ত কৰিম। কাৰণ এনে অভিযোগে আমাক প্ৰভাৱিত কৰে। বলৰ মানদণ্ড আমাৰ কোম্পানীৰ দায়িত্বৰ লগত জড়িত। আমি বনোৱা বলটোৰ বিষয়ে যদি কিবা নেতিবাচক কথা কোৱা হয় তেন্তে আমি ইয়াৰ ওপৰত চকু ৰাখিব লাগিব।''
উল্লেখ্য যে অষ্ট্ৰেলিয়াৰ দ্বিতীয় ইনিংছৰ ৩৭ অভাৰৰ অন্তত ইংলেণ্ডৰ অধিনায়ক বেন ষ্ট’কে ফিল্ড আম্পায়াৰ দুজনক বল সলনি কৰিবলৈ অনুৰোধ জনায়। তেওঁ দাবী কৰে যে বলৰ আকৃতি নষ্ট হৈছে। অন-ফিল্ড আম্পায়াৰ দুজনে বল পৰীক্ষা কৰি এই পৰিৱৰ্তনৰ অনুমতি দিয়ে। অন-ফিল্ড আম্পায়াৰৰ সিদ্ধান্ত অনুসৰি অতিৰিক্ত আম্পায়াৰজনে বলৰ বাকচ লৈ খেলপথাৰলৈ যায়।
বল সলনিৰ সময়ত অষ্ট্ৰেলিয়াই এটা উইকেট হেৰুৱাই ১৩৫ ৰান সংগ্ৰহ কৰে। কিন্তু পৰিৱৰ্তনৰ পিছত বলটো বহুত বেছি দোল খাবলৈ ধৰিলে। অষ্ট্ৰেলিয়াইও ধাৰাবাহিক উইকেট হেৰুৱায়। অৱশেষত অ’ভেলত ইংলেণ্ডৰ হাতত পৰাস্ত হয় কামিন্স। অষ্ট্ৰেলিয়াৰ প্ৰাক্তন অধিনায়ক ৰিকি পণ্টিঙে খেল শেষ হোৱাৰ পিছতে বল টেম্পাৰিঙৰ তদন্তৰ দাবী জনায়।
অন-ফিল্ড আম্পায়াৰসকলে লোৱা সিদ্ধান্ত সন্দৰ্ভত কোনো মন্তব্য দিবলৈ ইচ্ছুক নহয় আইচিচিয়ে। সংস্থাটোৰ এগৰাকী মুখপাত্ৰই কয়, ‘প্ৰতিখন মেচৰ পূৰ্বে বল নিৰ্বাচন কৰা হয়। নিৰ্বাচিত নিৰ্দিষ্ট বলটো খেলা হয়। এনে পৰিস্থিতিত আম্পায়াৰসকলে নিৰ্দিষ্ট বলৰ ভিতৰত এটা বাছি লয়। আম্পায়াৰসকলে ব্যৱহৃত বলৰ সৈতে আটাইতকৈ ওচৰৰ পৰা মিল থকা বক্সত থকা বলটো বাছি লয়।''
বল সলনি কৰাৰ পিছত ১০টা উইকেট হেৰুৱাই অভেলত পৰাস্ত হয় অষ্ট্ৰেলিয়া। ফলত সেই ঘটনাক লৈ বিতৰ্কৰ সৃষ্টি হৈছে। পঞ্চমখন টেষ্টত ইংলেণ্ডে জয়লাভ কৰি এছেছ ২-২ ব্যৱধানত অন্ত পেলায়।
Continue Reading
