ডিজিটেল ডেস্কঃ কৰ্ণাটকৰ মুখ্যমন্ত্ৰী সিদ্দাৰমাইয়াই ২৫ লাখ ডলাৰৰ দাবীত ভাবুকিপূৰ্ণ মেইল লাভ কৰিছে। আৰক্ষী সূত্ৰৰ মতে, কেৱল মুখ্যমন্ত্ৰীয়েই নহয়, উপ-মুখ্যমন্ত্ৰী ডি কে শিৱকুমাৰ আৰু ৰাজ্যৰ কেইবাজনো মন্ত্ৰীয়েও এই ভাবুকিপূৰ্ণ মেইল লাভ কৰিছে।
আৰক্ষীৰ মতে, Shahidkhan10786@protonmail.com - এই ইমেইলেৰে মুখ্যমন্ত্ৰীকে ধৰি ৰাজ্যৰ কেইবাজনো মন্ত্ৰীলৈ ভাবুকিমূলক বাৰ্তা প্ৰেৰণ কৰা হয়। ইমেইলটোত কোৱা হৈছে - ''যদি ২৫ লাখ ডলাৰ নিদিয়ে তেন্তে সমগ্ৰ ৰাজ্যৰ ৰে’ল, বাছ, মন্দিৰ, হোটেল আৰু সকলো জনবসতিপূৰ্ণ অঞ্চলত বোমা বিস্ফোৰণ হ’ব।’’
ইমেইলটোত আৰু লিখা আছিল, “আমি আপোনাৰ চিনেমাৰ আৰু ট্ৰেইলাৰ দেখুৱাব বিচাৰো। কেইঘণ্টামানৰ পিছতে আমবাৰী উৎসৱ বাছত বিস্ফোৰণ ঘটিব। ইয়াৰ পিছত আমি ছচিয়েল মিডিয়াত আমাৰ দাবী উত্থাপন কৰিম। ইয়াৰ পিছত আমি তালৈ পঠোৱা ইমেইল বাৰ্তাৰ স্ক্ৰীণশ্বটটোও অন্তৰ্ভুক্ত কৰিম। আমি পৰৱৰ্তী বিস্ফোৰণৰ বিষয়ে এক্সৰ জৰিয়তে ৰিপৰ্ট কৰিম।"
এই ভাবুকিপূৰ্ণ মেইল পোৱাৰ পিছত ৰাজ্য প্ৰশাসনত হুলস্থুলৰ সৃষ্টি হয়। বেংগালুৰু আৰক্ষীৰ ক্ৰাইম ব্ৰাঞ্চে এটা গোচৰ ৰুজু কৰি তদন্ত আৰম্ভ কৰে।
Continue Reading
