অন্ত পৰিব নেকি সীমা-শচীনৰ প্ৰেম কাহিনীৰ? সীমাৰ স্বামীয়ে দাবী কৰিলে ৩ কোটি টকা

সংবাদ মাধ্যমৰ সূত্ৰ অনুসৰি গোলামৰ হৈ মীনা দম্পতীলৈ অধিবক্তা আলী মমিনে জাননী প্ৰেৰণ কৰিছে। সীমা পাকিস্তানৰ পৰা চাৰিটা সন্তান লৈ ভাৰতলৈ আহিছিল। গোলামে ল’ৰা-ছোৱালীকেইটাৰ তত্ত্বাৱধান পাবলৈ আইনী পথ লোৱাৰ সিদ্ধান্ত লয়। মীনা পৰিয়ালৰ সৈতে যোগাযোগ পাকিস্তানী অধিবক্তা তথা মানৱ অধিকাৰ কৰ্মী আনছাৰ বাৰাণীৰ। আনছাৰে মামিনক ভাৰতৰ সকলো আইনী প্ৰক্ৰিয়া চলোৱাৰ দায়িত্ব অৰ্পণ কৰিছিল। 

সীমাৰ সৈতে শচীনৰ প্ৰেম কাহিনী আৰম্ভ হৈছিল ২০১৯ চনৰ পৰা। অনলাইন গেম খেলি থাকোঁতে দুয়োজনে কথা পাতিছিল। বন্ধুত্বৰ বাহিৰেও দুয়োৰে মাজত প্ৰেমৰ সম্পৰ্ক গঢ় লৈ উঠিল। লকডাউনৰ সময়ছোৱাত অনলাইনযোগে প্ৰেম কৰিছিল দুয়োৰে। পাছত দুয়ো একেলগে পৰিয়াল এটা গঢ়ি তোলাৰ সিদ্ধান্ত লয়। দুয়ো নেপাললৈ গ’ল। পশুপতিনাথ মন্দিৰলৈ গৈ বিবাহপাশত বান্ধ খালে। ইয়াৰ পাছত যোৱা বছৰৰ ১৩ মে’ত তেওঁ অবৈধভাৱে ভাৰতত প্ৰৱেশ কৰিছিল। গ্ৰেটাৰ নয়ডাৰ শচীনৰ ঘৰত থাকিবলৈ আৰম্ভ কৰিলে৷তথ্য লাভ কৰাৰ পিছতে যোৱা ৪ জুলাইত সীমাক গ্ৰেপ্তাৰ কৰে আৰক্ষীয়ে। শচীন আৰু তেওঁৰ পিতৃকো আটক কৰি আৰক্ষীয়ে জেৰা কৰে। অবৈধ প্ৰৱেশৰ উপৰিও সীমাৰ বিৰুদ্ধে চোৰাংচোৱাগিৰিৰ অভিযোগো উত্থাপন হৈছিল। ভুৱা নামৰ কাহিনীও পোহৰলৈ আহিল। আৰক্ষীৰ তদন্তত সীমাই বেনামীভাৱে নেপালত হোটেল বুকিং কৰা বুলি জানিব পৰা গৈছে।সেই সময়ত কিয় নাম সলনি কৰিলে বুলিও প্ৰশ্ন উত্থাপন হৈছিল। অৱশেষত সীমাক জেলৰ পৰা মুকলি কৰি দিয়া হ’ল। পাছত পুনৰ পোহৰলৈ আহিল সীমাৰ গৰ্ভধাৰণৰ খবৰ। গম পোৱা গ’ল যে সীমা শচীনৰ সন্তানৰ মাক হ’বলৈ গৈ আছে।