ডিজিটেল ডেস্কঃ মহিলাগৰাকী সন্ধানহীন হোৱাৰ তিনিদিন হৈছিল৷ বহু বিচাৰিও তেওঁৰ সন্ধান উলিয়াব পৰা হোৱা নাছিল৷ অৱশেষত মহিলাগৰাকীৰ সন্ধান ওলাল অজগৰৰ পেটত৷ মধ্য ইণ্ডোনেছিয়াত অজগৰৰ পেটৰ পৰা মৃত অৱস্থাত উদ্ধাৰ হৈছে মহিলাগৰাকীৰ দেহ৷ ফৰিদা নামৰ মহিলাগৰাকীৰ মৃতদেহ সাপৰ পেটৰ ভিতৰত সম্পূৰ্ণ কাপোৰ পিন্ধি থকা অৱস্থাতে উদ্ধাৰ কৰা হয়।
এনেধৰণৰ ঘটনা অত্যন্ত বিৰল বুলি গণ্য কৰা হয়৷ ৪৫ বছৰীয়া ফৰিদাৰ স্বামী আৰু দক্ষিণ চুলাৱেছি প্ৰদেশৰ কালেম্পাং গাঁৱৰ বাসিন্দাসকলে শুকুৰবাৰে তেওঁক প্ৰায় পাঁচ মিটাৰ (১৬ ফুট) দীঘল অজগৰডাল পৰি থকা দেখি সন্দেহ হয়৷ চাৰিটা সন্তানৰ মাতৃগৰাকীক অজগৰে ভক্ষণ কৰিব পাৰে বুলি সন্দেহ কৰি একাংশ লোকে অজগৰ ডালৰ পেট ফালি পেলোৱাৰ সিদ্ধান্ত লয়৷ অৱশেষত অজগৰৰ পেটৰ পৰা উদ্ধাৰ হয় সম্পূর্ণ সাজ-পোছাক পিন্ধা অৱস্থাতে ফৰিদাৰ মৃতদেহ৷
এনে ঘটনা অতি বিৰল বুলি গণ্য কৰা হয় যদিও ইণ্ডোনেছিয়াত যোৱা কিছু বছৰত পাইথনে গোটেই গিলি পেলোৱাৰ পিছত কেইবাজনো লোকৰ মৃত্যু হৈছে। যোৱা কিছু বছৰত ইণ্ডোনেছিয়াত অজগৰে কেইবাজনো লোকক ভক্ষণ কৰিছে৷ ২০১৮ চনত দক্ষিণ-পূব চুলাৱেছিৰ মুনা চহৰত সাত মিটাৰ দৈৰ্ঘ্যৰ অজগৰৰ পেটৰ ভিতৰতো এগৰাকী ৫৪ বছৰীয়া মহিলাক মৃত অৱস্থাত উদ্ধাৰ কৰা হৈছিল৷
Continue Reading
