ডিজিটেল ডেস্কঃ কোনোবাই বিৰিয়ানী খাই ভাল পায়, কোনোবাই পোলাও খাবলৈ ভাল পায়। কিছুমান মানুহৰ প্ৰিয় খাদ্য হ’ল ফুচকা। আশ্বৰ্যজনকভাৱে নিউয়ৰ্কৰ ৩৯ বছৰীয়া বাসিন্দা পেট্ৰিক বেঞ্জামিনৰ প্ৰিয় খাদ্য হ’ল চিমেণ্ট, বালি, ইটা।
পেট্ৰিকৰ বয়স এতিয়া ৪০ বছৰীয়া। ১৮ বছৰ বয়সৰ পৰাই তেওঁৰ এই ধৰণৰ খাদ্যৰ প্ৰতি এক অপ্ৰতিৰোধ্য আকৰ্ষণ। প্ৰথমে ঘৰৰ বেৰৰ পৰা চিমেণ্ট খাবলৈ ধৰে। কিন্তু তেওঁৰ এই অদ্ভুত অভ্যাসৰ কথা কোনেও গম পোৱা নাছিল।
এদিন ঘৰৰ বেৰৰ পৰা চিমেণ্ট খান্দি মুখত ভৰাই দিলে। সেইদিনাৰ পৰাই তেওঁৰ চিমেণ্টৰ প্ৰতি থকা প্ৰেমৰ জন্ম হৈছিল। এটা অদ্ভুত অনুভৱৰ সৃষ্টি হয় তেওঁৰ। ইয়াৰ পিছত প্ৰতিদিনে সি অলপ চিমেণ্ট খাবলৈ ধৰিলে। চিমেণ্টৰ পিছত ইটা-বালিৰ সোৱাদও মনলৈ আহে। তেতিয়াৰ পৰাই চিমেণ্ট, বালি, ইটা পেট্ৰিকৰ পছন্দৰ খাদ্য হৈ পৰিল।
পেট্ৰিকৰ পৰিয়ালে বহু ডাক্তৰৰ ওচৰলৈ লৈ গ’ল। কিন্তু কোনো ঔষধেই কাম কৰা নাছিল। বৰঞ্চ চিমেণ্ট আৰু বালিৰ প্ৰতি পেট্ৰিকৰ প্ৰেম বাঢ়ি গৈয়েই আছে। চিকিৎসকে এই বিৰল ৰোগৰ কাৰণ বিচাৰি উলিয়াব পৰা নাছিল। কিছু সময়ৰ পাছত পেট্ৰিকে নিজৰ শৈশৱৰ বন্ধুক বিয়া কৰালে। পেট্ৰিকৰ বাবে জীৱনটো যিদৰে চলি থাকে। কিন্তু তেওঁ এই অভ্যাসৰ পৰা ওলাই আহিব নোৱাৰিলে। পেট্ৰিকৰ পৰিয়ালেও সন্দেহ প্ৰকাশ কৰিছে যে তেওঁ এই অভ্যাসৰ পৰা ওলাই আহিব পাৰিবনে নাই!
Continue Reading
