ডিজিটেল ডেস্কঃ৩১ জানুৱাৰীৰ পৰা আৰম্ভ হ'ব সংসদৰ বাজেট অধিৱেশন। এই অধিৱেশ্তে কেন্দ্ৰীয় বিত্তমন্ত্ৰী নিৰ্মলা সীতাৰমণে বাজেট ২০২৩ সংসদত দাখিল কৰিব। কেন্দ্ৰীয় মন্ত্ৰী প্ৰহ্লাদ যোশীয়ে কয় যে সংসদৰ বাজেট অধিৱেশন ৩১ জানুৱাৰীৰ পৰা আৰম্ভ হ'ব আৰু ৬ এপ্ৰিল, ২০২৩ লৈ চলিব।
উল্লেখ্য ২০২৩ চনত কেইবাখনো ৰাজ্যত বিধানসভা নিৰ্বাচন অনুষ্ঠিত হ'ব। আনহাতে ২০২৪ চনৰ লোকসভা নিৰ্বাচন অনুষ্ঠিত হ’ব। সেয়ে এইবাৰৰ বাজেট অধিৱেশন চৰকাৰৰ বাবে অতি গুৰুত্বপূৰ্ণ হ’ব বুলি ধাৰণা কৰা হৈছে।
ৰাজনৈতিক বিশেষজ্ঞসকলৰ মতে নিৰ্মলা সীতাৰমণৰ বিত্ত বিভাগৰ সন্মুখত ২০২৩ চনৰ বাজেট অধিৱেশন হ’ব আটাইতকৈ ডাঙৰ প্ৰত্যাহ্বান।বাজেটত বহু কেইটা জনমুখী প্ৰস্তাৱ ৰখাৰ পূৰ্ণ সম্ভাৱনা থকা বুলিও বহুতে ধাৰণা কৰিছে। সবিশেষ বাতৰিৰ বাবে অপেক্ষা কৰা হৈছে।
Continue Reading
