ডিজিটেল ডেস্কঃ ৰামানন্দ সাগৰৰ টেলিভিছন ধাৰাবাহিক 'ৰামায়ণ'ত সীতাৰ চৰিত্ৰত অভিনয় কৰি ঘৰে ঘৰে জনপ্ৰিয় হৈ পৰিল দীপিকা চিখলিয়া। দীপিকাক সকলোৱে সীতামা নামেৰেই মাতে। দেশৰ প্ৰতিজন দৰ্শকে সীতামা বুলি কলেই দীপিকা চিখলিয়াৰ কথা মনত পেলায়। সীতাৰ চৰিত্ৰত অভিনয় কৰি ৰাইজৰ বহু মৰম-আদৰ, শ্ৰদ্ধা, সন্মান লাভ কৰিছে দীপিকাই।
৩৩ বছৰীয়া দীঘলীয়া বিৰতিৰ অন্তত পুনৰ টিভি জগতলৈ উভতি আহিবলৈ সাজু হৈছে ৫৮ বছৰীয়া অভিনেত্ৰীগৰাকী। এটা নতুন শ্ব’ত দেখিবলৈ পোৱা যাব দীপিকা চিখলিয়াক। যাৰ কাহিনী অযোধ্যাৰ পটভূমিত ৰচিত।
এই অনুষ্ঠানটোৰ এটা ভিডিঅ’ ছ’চিয়েল মিডিয়াত ভাইৰেল হৈ আছে, য’ত দেখা গৈছে দীপিকা চিখলিয়াৰ নতুন ৰূপ। 'ধৰতীপুত্ৰ নন্দিনী' নামেৰে নামাকৰণ কৰা এই অনুষ্ঠানত দীপিকাই সুমিত্রা দেৱীৰ চৰিত্ৰত অভিনয় কৰা দেখা যাব। এগৰাকী আইতাকৰ চৰিত্ৰত অভিনয় কৰিছে দীপিকাই। ৩৩ বছৰৰ দীঘলীয়া ব্যৱধানৰ অন্তত দীপিকা পুনৰ টেলিভিছনলৈ ঘূৰি আহিব এই অনুষ্ঠান জৰিয়তে। এই কথাই সুখী কৰি তুলিছে তেওঁৰ অনুৰাগীসকলক।
উল্লেখ্য যে এই অনুষ্ঠান দীপিকা চিখলিয়াই নিজে প্ৰযোজনা কৰিছে।
Continue Reading
