ডিজিটেল ডেস্কঃ ৪৫ বছৰৰ পূৰ্বে এখন বিলৰ পানীত ডুব গৈছিল এখন গাঁও। সম্পূৰ্ণ ৪৫ বছৰে পানীৰ তলতে সোমাই থাকিল গাঁওখন। হঠাতে সেই গাঁওখন ওপৰলৈ উঠি আহিল। যাকে লৈ সৃষ্টি হৈছে তীব্ৰ চাঞ্চল্যৰ। এই ঘটনা সংঘটিত হৈছে গ্ৰীচত।
গ্ৰীচৰ মৰ্নছ হ্ৰদৰ জলপৃষ্ঠ ইমানেই বেয়াকৈ হ্ৰাস পাইছে যে ৪৫ বছৰ পূৰ্বে ডুব যোৱা কালিঅ' গাঁও পুনৰ ওপৰলৈ ওলাই আহিল। ১৯৮০ চনত এই গাঁওখন পানীৰ তলত ডুব গৈছিল।
এতিয়া খৰাঙৰ বাবে বিলখনৰ পানীৰ স্তৰ ইমানেই দ্ৰুতগতিত কমিছে যে অত বছৰে পানীৰ তলত সোমাই থকা গাঁওখনৰ পুৰণি অট্টালিকাবোৰ পুনৰ দেখা গৈছে। উল্লেখ্য যে গ্ৰীচ বৰ্তমান এক প্ৰচণ্ড জল সংকটৰ সন্মুখীন হৈছে। শীতকালত তুষাৰপাত কমি যোৱা আৰু গ্ৰীষ্মকালত সঘনাই হোৱা গ্ৰীষ্ম প্ৰবাহৰ বাবে হ্ৰদটোৰ জলপৃষ্ঠই ৩৩ বছৰৰ ভিতৰত সৰ্বনিম্ন স্তৰত উপনীত হৈছে।
ড’ৰিডাৰ মেয়ৰ ডিমিট্ৰিছ জিয়ান’পুলছে কয় যে ইমান কম পানীৰ পৰিস্থিতি আগতে কেতিয়াও দেখা পোৱা নাছিল। উপগ্ৰহৰ ছবি অনুসৰি যোৱা বছৰৰ আগষ্ট মাহত হ্ৰদটোৰ পৃষ্ঠভাগ ১৬.৮ বৰ্গ কিলোমিটাৰ আছিল, যিটো এই বছৰ মাত্ৰ ১২.০ বৰ্গ কিলোমিটাৰলৈ হ্ৰাস পাইছে। পানীৰ স্তৰ হ্ৰাস পোৱাৰ পৰিবেশৰ ওপৰত প্ৰভাৱো স্পষ্টকৈ দেখা যায়। পাৰৰ গছবোৰ হালধীয়া হৈ পৰিছে, কুঁৱাবোৰ শুকাই গৈছে আৰু চাৰিওফালৰ গাঁওবোৰত পানীৰ তীব্ৰ নাটনি হৈছে।
Continue Reading
