ডিজিটেল ডেস্কঃ ইটালীৰ প্ৰধানমন্ত্ৰী জৰ্জিয়া মেলোনীয়ে ৰাছিয়া-ইউক্ৰেইন যুদ্ধৰ অন্ত পেলোৱাৰ ক্ষেত্ৰত ভাৰতৰ ভূমিকাক গুৰুত্ব আৰোপ কৰিছে। শনিবাৰে এক বিবৃতিত তেওঁ ৰাছিয়া-ইউক্ৰেইন যুদ্ধ বন্ধ কৰাৰ ক্ষেত্ৰত ভাৰত আৰু চীনৰ গুৰুত্বপূৰ্ণ ভূমিকা সম্পৰ্কে আলোচনা কৰে। উল্লেখ্য যে ইটালীৰ প্ৰধানমন্ত্ৰী জৰ্জিয়া মেলোনীয়ে শনিবাৰে ইউক্ৰেইনৰ ৰাষ্ট্ৰপতি ভ’ল’ডিমাইৰ জেলেনস্কিক সাক্ষাৎ কৰাৰ পিছত এই বক্তব্য দিছে। জৰ্জিয়া মেলোনীয়ে শনিবাৰে কয় যে ৰাছিয়া আৰু ইউক্ৰেইনৰ সংঘাত সমাধানৰ ক্ষেত্ৰত ভাৰত আৰু চীনে ভূমিকা ল’ব পাৰে।
এক সংবাদ মাধ্যমৰ মতে, ইউক্ৰেইনৰ ৰাষ্ট্ৰপতি ভ’ল’ডিমাইৰ জেলেনস্কিক সাক্ষাৎ কৰাৰ পিছত এখন সন্মিলনত মেলোনীয়ে কয় যে, “মই বিশ্বাস কৰোঁ যে সংঘাত সমাধানত চীন আৰু ভাৰতৰ ভূমিকা থাকিব লাগে। ইউক্ৰেইনক অকলে এৰি দি সংঘাত সমাধান কৰিব পৰা যাব বুলি ভবাটো অসম্ভৱ।'' ৰাছিয়াৰ ৰাষ্ট্ৰপতি ভ্লাদিমিৰ পুটিনে বৃহস্পতিবাৰে তিনিখন দেশৰ ভিতৰত ভাৰতৰ নাম উল্লেখ কৰাৰ সময়তে তেওঁ এই সন্দৰ্ভত সংস্পৰ্শত আছে ৷ ইউক্ৰেইনৰ সংঘাতৰ সমাধানৰ বাবে আন্তৰিক প্ৰচেষ্টা চলাইছে।
বৃহস্পতিবাৰে পুটিনে কয় যে ইউক্ৰেইন সন্দৰ্ভত সম্ভাৱ্য শান্তি আলোচনাত চীন, ভাৰত আৰু ব্ৰাজিলে মধ্যস্থতাকাৰীৰ ভূমিকা পালন কৰিব পাৰে। পুটিনে কয় যে যুদ্ধৰ প্ৰথম সপ্তাহত ইস্তানবুলত আলোচনাৰ সময়ত ৰাছিয়া আৰু ইউক্ৰেইনৰ আলোচনাপন্থীৰ মাজত হোৱা প্ৰাৰম্ভিক চুক্তি, যিটো কেতিয়াও কাৰ্যকৰী নহ’ল, সেই চুক্তিয়ে আলোচনাৰ ভিত্তি গঠন কৰিব পাৰে। তেওঁ কয় যে আমাৰ লক্ষ্য ইউক্ৰেইনৰ ডনবাছ অঞ্চল দখল কৰা। ৰাছিয়াৰ বাহিনীয়ে ক্ৰমান্বয়ে কুৰ্স্ক অঞ্চলৰ পৰা ইউক্ৰেইনৰ বাহিনীক খেদি পঠিয়াইছে।
Continue Reading
