ডিজিটেল ডেস্কঃ প্ৰকাশিত এক বৃহৎ নতুন অধ্যয়নে প্ৰমাণ কৰিছে যে ৫০ বছৰ আৰু তাতকৈ অধিক বয়সৰ লোকসকলে যিসকলে ৰাতি পাঁচ ঘণ্টা বা তাতকৈ কম সময় শোৱে, তেওঁলোকৰ বয়স বৃদ্ধিৰ লগে লগে একাধিক দীৰ্ঘদিনীয়া ৰোগত আক্ৰান্ত হোৱাৰ সম্ভাৱনা বেছি। যিসকলে ৰাতি বেছি সময় সময় শোৱে সেই সকলৰ তুলনাত কমকৈ শোৱা মানুহৰ ৰোগৰ সম্ভাৱনা অধিক থাকে।
আমেৰিকাৰ এক গৱেষণাত এই তথ্য পোহৰলৈ আহিছে। প্ৰায় ৮ হাজাৰ ৫০ বছৰীয়া আৰু তাতকৈ অধিক বয়সৰ লোকৰ ওপৰত এই গৱেষণা কৰা হৈছিল। গৱেষণাত ধৰা পৰিছিল যে ৫ ঘণ্টা বা তাতকৈ কম সময় শোৱা মানুহৰ যিকোনো ৰোগৰ সম্ভাৱান বেছি।
যিসকলৰ টোপনি ট্ৰেক কৰা হৈছিল, তাৰমাজত দেখা গৈছিল যে ৰাতি কমেও সাত ঘণ্টা শোৱা মানুহৰ তুলনাত যিসকলে পাঁচ ঘণ্টা বা তাতকৈ কম সময় শুইছিল তেওঁলোকৰ একাধিক দীৰ্ঘদিনীয়া ৰোগত আক্ৰান্ত হোৱাৰ সম্ভাৱনা ৩০% বেছি আছিল।
সেয়ে স্বাস্থ্য বিশেষজ্ঞসকলে প্ৰকাশ কৰিছে যে ষিকোনো বয়সৰ মানুহে সুস্থ জীৱন-যাপনৰ কাৰণে স্বাস্থ্যসন্মত খাদ্য খোৱাৰ লগতে দৈনিক ৭-৮ ঘণ্টা শোৱাটো জৰুৰী। যিসকলে এনে নকৰে তেওঁলোকে জীৱন শৈলী সলনি কৰাটো প্ৰয়োজন।
Continue Reading
