ডিজিটেল ডেস্কঃযেন নচিকেতাৰ বৃদ্ধাশ্ৰম গীতটি পুনৰ বাজি উঠিল৷ দেশত এতিয়া 4জিৰ পিছত আহিছে 5জি৷ কেইবাখনো বচা বচা চহৰত ইতিমধ্যে আৰম্ভ হৈছে 5জি৷ প্ৰযুক্তিৰ মায়মাময় পৃথিৱী খনত এতিয়া বন্দী হৈ পৰিছে দেশৰ যুৱ প্ৰজন্মৰ গৰিষ্ঠসংখ্যক যুৱক-যুৱতী৷ মানৱীয় সম্পৰ্কবো এতিয়া যেন হেৰাই যাবলৈ ধৰিছে৷ এখন ভাৰ্চুৱেল পৃথিৱীৰ বাসিন্দা হৈ পৰিছো আমি৷
5জিয়েই হওঁক বা অন্য প্ৰযুক্তিৰ ব্যৱহাৰ যিদৰে বাঢ়িছে ঠিক তেনেদৰে বৃদ্ধি পাইছে বৃদ্ধাশ্ৰমৰ সংখ্যা৷ 4জি, 5জিৰ প্ৰেমত পৰা বহু লোকে পাহৰি গৈছে তেওঁলোকৰ জন্মদাতা পিতৃ-মাতৃক৷ সেয়ে বৃদ্ধাশ্ৰমত এতিয়া বহু পুত্ৰ-কন্যাই যত্ন ল’বলৈ অনিচ্ছা কৰা বৃদ্ধ পিতৃ আৰু বৃদ্ধা মাতৃৰে ভৰি পৰিছে৷ অথচ এনে এক পৰিবেশৰ মাজতে দেশত প্ৰথমবাৰৰ বাবে 5জি নেটৱৰ্কৰ সূচনা কৰা ৰিলায়েন্স ইণ্ডাষ্ট্ৰিজৰ অধ্যক্ষ মুকেশ আম্বানীয়ে এষাৰি বৰ মূল্যৱান কথা কৈছে৷
আম্বানীয়ে একাংশ শিক্ষাৰ্থীক উদ্দেশ্যি কৈছে যে তেওঁলোকৰ জীৱনত অভিভাৱকৰ গুৰুত্বক অসীম৷ সেয়ে তেওঁলোকৰ গুৰুত্ব আমি প্ৰত্যেকেই বুজিবলৈ চেষ্টা কৰা দৰকাৰ। পণ্ডিত দীনদয়াল শক্তি বিশ্ববিদ্যালয়ৰ সমাৱৰ্তন অনুষ্ঠানত ভাষণ দি আম্বানীয়ে স্নাতক শিক্ষাৰ্থীসকলক কয় যে তেওঁলোকে তেওঁলোকৰ পিতৃ-মাতৃ আৰু পৰিয়ালৰ যত্ন লোৱাৰ পৰা কেতিয়াও বিৰত হ’ব নালাগিব৷ আম্বানীয়ে কয় " মই আপোনাক নিজৰ ভাষাতে কওঁ - আজিকালি, প্ৰতিজন যুৱক 4জি আৰু এতিয়া 5জিক লৈ উৎসাহিত। কিন্তু পিতা জী আৰু মাতাজীতকৈ ডাঙৰ এই পৃথিৱীত কোনো 'জি' নাই ।
তেওঁ কয়, "তেওঁলোক আপোনাৰ শক্তি আৰু সমৰ্থনৰ আটাইতকৈ নিৰ্ভৰযোগ্য স্তম্ভ হৈ আছে আৰু হৈ থাকিব।" আজি আপোনাৰ দিন। এয়াৱ আপোনাৰ মাক- দেউতাক আৰু জ্যেষ্ঠসকলৰো দিন হৈ থাকিব লাগিব ৷এয়া তেওঁলোকৰ বাবেও এটা বিশেষ দিন। তেওঁলোকে আপুনি মঞ্চলৈ খোজ কাঢ়ি গৈ স্নাতক হোৱাৰ প্ৰমাণপত্ৰ সংগ্ৰহ কৰা চাবলৈ আগ্ৰহেৰে অপেক্ষা কৰিছে। এইটো তেওঁলোকৰ জীৱনজোৰা সপোন । তেওঁলোকক আপুনি কেতিয়াও নাপাহৰিব। আপোনাৰ সফলতাত তেওঁলোকৰ অৱদান অপৰিসীম," ৷ ব্যৱসায়িক টাইকুনৰ ৰিলায়েন্স জিঅ'ই সফলতাৰে দেশৰ কেইবাখনো চহৰত ৫জি সেৱা আৰম্ভ কৰিছে যদিও আম্বানীয়ে যুৱ প্ৰজন্মক কেৱল প্ৰযুক্তি নিৰ্ভৰ নহ’বলৈও আহ্বান জনায়৷
Continue Reading
