ডিজিটেল ডেস্ক: দেশৰ টেলিকম খণ্ডত এতিয়া 5G সেৱা প্ৰৱৰ্তনৰ প্ৰস্তুতি চলিছে৷ 5G প্ৰৱৰ্তনৰ বাবে সাজু হৈছে কেন্দ্ৰীয় চৰকাৰ৷ তাৰ মাজতে প্ৰধানমন্ত্ৰী মোদীয়ে এই দশকৰ শেষৰ ফালে কাৰ্যকৰী হোৱাকৈ 6G সেৱা আৰম্ভ কৰাৰ প্ৰস্তুতি চলাইছে বুলি ঘোষণা কৰিছে৷
প্ৰধানমন্ত্ৰী মোদীয়ে কয় যে প্ৰতিদিনে নতুন ক্ষেত্ৰ আৰু প্ৰত্যাহ্বানসমূহে উদ্ভাৱনীমূলক সমাধান বিচাৰিছে। দেশত 5G সেৱা আৰম্ভ হোৱাৰ কেইসপ্তাহমান পূৰ্বে প্ৰধানমন্ত্ৰী মোদীয়ে কালি কয় যে চৰকাৰে এই দশকৰ শেষৰফালে 6G আৰম্ভ কৰাৰ প্ৰস্তুতি চলাইছে।
প্ৰধানমন্ত্ৰীয়ে ভিডিঅ’ কনফাৰেন্সৰ জৰিয়তে স্মাৰ্ট ইণ্ডিয়া হেকাথন-২০২২ৰ গ্ৰেণ্ড ফিনালেত ভাষণ প্ৰদান কৰি এই ঘোষণা কৰে। তেওঁ কয়, যুৱসকলে কৃষি আৰু স্বাস্থ্য খণ্ডত ড্ৰোন প্ৰযুক্তিৰ ব্যৱহাৰৰ প্ৰচাৰৰ বাবে নতুন সমাধানৰ ওপৰত কাম কৰিব পাৰে। আমি এই দশকৰ শেষৰ ফালে 6G আৰম্ভ কৰাৰ প্ৰস্তুতি চলাইআছোঁ৷ চৰকাৰে গেমিং আৰু মনোৰঞ্জনৰ ক্ষেত্ৰত ভাৰতীয় সমাধানক উৎসাহিত কৰি আছে। চৰকাৰে যিধৰণে বিনিয়োগ কৰি আছে, সকলো যুৱক-যুৱতীয়ে এই সুবিধা লোৱা উচিত৷
তেওঁ উদ্ভাৱকসকলক কৃষি সম্পৰ্কীয় সমস্যাসমূহৰ সমাধান বিচাৰি উলিয়াবলৈ কয়। তেওঁ যুৱ উদ্ভাৱকসকলক প্ৰতিখন গাঁৱত অপ্টিকেল ফাইবাৰ আৰু 5G মুকলি কৰা আৰু গেমিং পৰিস্থিতিতন্ত্ৰৰ প্ৰচাৰৰ দৰে পদক্ষেপৰ সম্পূৰ্ণ সুবিধা ল’বলৈ কয়।
আনহাতে, ভাৰতে 5G প্ৰযুক্তিৰ আৰম্ভণিৰ সাক্ষী হ'বলৈ সাজু হৈছে, যিটো চৰকাৰে সুলভ হ’ব বুলি দাবী কৰিছে৷ কালি এক সংবাদমেলত কেন্দ্ৰীয় তথ্য প্ৰযুক্তি মন্ত্ৰী অশ্বিনী বৈষ্ণৱে কয় যে এই বছৰৰ অক্টোবৰ মাহৰ লগে লগে এই ৰোল আউট হ'ব পাৰে৷ উদ্যোগটোৱে 5G আন্তঃগাঁথনিৰ বাবে নিয়োগ আৰম্ভ কৰিছে আৰু ২-৩ বছৰৰ ভিতৰত দেশৰ প্ৰতিটো প্ৰান্তকে 5G সেৱা উপলব্ধ হ'ব।
আমি উদ্যোগটোক 5G মাচুল সুলভ কৰিবলৈ অনুৰোধ জনাইছো। আমাৰ ম'বাইল সেৱাৰ মাচুল পৃথিৱীত আটাইতকৈ কম। আমি বিশ্বমানৰ ৫জি সেৱা লাভ কৰিম৷ ইফালে, স্মাৰ্ট ইণ্ডিয়া হেকাথনত প্ৰধানমন্ত্ৰী মোদীয়ে ভাৰতত উদ্ভাৱনৰ সংস্কৃতি বৃদ্ধি কৰাৰ বাবে গুৰুত্ব আৰোপ কৰে৷ তেওঁ কয়, আমি দুটা বিষয়ৰ প্ৰতি নিৰন্তৰ মনোযোগ দিব লাগিব- সামাজিক সমৰ্থন আৰু প্ৰতিষ্ঠানগত সমৰ্থন৷
প্ৰধানমন্ত্ৰীয়ে উল্লেখ কৰে যে সমাজত উদ্ভাৱনক বৃত্তি হিচাপে গ্ৰহণ কৰা বৃদ্ধি পাইছে আৰু এনে পৰিস্থিতিত আমি নতুন ধাৰণা আৰু মৌলিক চিন্তাধাৰা গ্ৰহণ কৰিব লাগিব।
Continue Reading
