ডিজিটেল ডেস্কঃ মানৱীয়তাৰ স্খলন ঘটোৱা আন এটা ঘটনাই স্পৰ্শ কৰি গৈছে ৰাজস্থানক৷ ৰাজস্থানৰ সদুলপুৰত বুধবাৰে পুৱা এগৰাকী ৭০ বছৰীয়া বৃদ্ধাৰ মৃতদেহ ঘৰৰ সন্মুখত উদ্ধাৰ হয়।ঘৰুৱা শত্ৰুতাৰ বাবে অভিযুক্তই কুঠাৰেৰে ডিঙি মহিলাগৰাকীৰ শিৰচ্ছেদ কৰা বুলি জানিব পৰা গৈছে। তদুপৰি পৰিয়ালটোৱে তেওঁলোকৰ ওচৰ-চুবুৰীয়া বলৱান, ৰামবীৰ, ধৰ্মপাল, চুলতানৰ বিৰুদ্ধে হত্যাৰ অভিযোগ উত্থাপন কৰে।
পৰিয়ালটোৱে আৰু দাবী কৰে যে এমাহ পূৰ্বে অভিযুক্তই এটা ফাৰ্মৰ পুখুৰীত বিষ মিহলাইছিল। সেই সময়ত তেওঁলোকৰ বিৰুদ্ধে গোচৰ ৰুজু হৈছিল যদিও কোনো ব্যৱস্থা গ্ৰহণ কৰা হোৱা নাছিল।তাৰে প্ৰতিশোধ ল’বৰ বাবে প্ৰতিবেশীয়ে এনে কাৰ্য কৰা বুলি সন্দেহ কৰিছে৷
তথ্য লাভ কৰাৰ লগে লগে আৰক্ষীয়ে তদন্তৰ বাবে সেই স্থানত উপস্থিত হয়। কিন্তু প্ৰথম অৱস্থাত প্ৰায় চাৰি ঘণ্টা ধৰি মহিলাগৰাকীৰ মৃতদেহ তুলিবলৈ আত্মীয়ই বাধা দিয়ে।
পৰৱৰ্তী সময়ত আৰক্ষীৰ আশ্বাসৰ পাছত পৰিয়ালটোৱে মৰণোত্তৰ পৰীক্ষা কৰিবলৈ সন্মত হয় আৰু পৰিয়ালটোৰ নিৰাপত্তাৰ বাবে আৰক্ষীক অনুৰোধ জনায়।তদুপৰি পৰিয়ালটোক আৰক্ষীয়ে তদন্ত আৰম্ভ কৰি আটাইকেইজন অভিযুক্তক গ্ৰেপ্তাৰ কৰাৰ আশ্বাস প্ৰদান কৰিছে৷
Continue Reading
