ডিজিটেল ডেস্কঃ এটা প্ৰায় ৮০ বছৰ পুৰণি গোচৰ৷ সেই গোচৰতেই অৱশেষত জয়ী হ’ল এগৰাকী মহিলা৷ বৰ্মান তেওঁৰ বয়স ৯৩ বছৰ৷এটা ব্ৰিটিছ যুগৰ দুটা ফ্লেট। ব্ৰিটিছৰ আইনৰ অধীনত সেই ফ্লেট দুটা মহিলাগৰাকীৰ পৰা কাঢ়ি নিয়া হৈছিল৷ তাৰ পিছত ইতিহাস বহু সলনি হ'ল। ভাৰত স্বাধীন হৈছিল। অৱশ্যে, মহিলাগৰাকীয়ে তেওঁৰ প্লেট ফ্লেটটো ঘূৰাই পোৱা নাছিল।
ইমানৰ পিছতো কিন্তু তেওঁ হাৰি যোৱা নাছিল৷ বছৰৰ পিছত বছৰ ধৰি তেওঁ অব্যাহত ৰাখিছিল আইনী যুঁজ। এনেদৰে ৮০ টা বছৰ পাৰ হৈ গ’ল৷ অৱশেষত ধৈৰ্য্যৰ যুঁজত বৃদ্ধাগৰাকী জয়ী হ’ল৷ বৃদ্ধাগৰাকীয়ে বিজয়ৰ মিঠা সোৱাদ পালে, কিন্তু আঠ দশকৰ পিছত। শেহতীয়াকৈ বোম্বাই উচ্চ ন্যায়ালয়ে মহাৰাষ্ট্ৰ চৰকাৰক দক্ষিণ মুম্বাইৰ দুটা ফ্লেট এগৰাকী ৯৩ বছৰীয়া বৃদ্ধাক ঘূৰাই দিবলৈ নিৰ্দেশ দিছে৷
যোৱা ৮০ বছৰ ধৰি গোচৰ চলা সেই ফ্লেট মুম্বাইৰ ৰুবি মেনছনৰ প্ৰথম মহলাত আছে। এটাৰ আয়তন ৫০০ বৰ্গফুট আৰু আনটো ৬০০ বৰ্গফুট। ১৯৪২ চনৰ ২৮ মাৰ্চত ব্ৰিটিছ চৰকাৰে ডিফেন্স অৱ ইণ্ডিয়া আইনৰ অধীনত ফ্লেট দুটা অধিগ্ৰহণ কৰিছিল। অৱশ্যে ১৯৪৬ চনৰ জুলাই মাহত সেয়া পুনৰ মহিলাগৰাকীক ঘূৰাই দিবলৈ নিৰ্দেশ দিয়া হৈছিল।
কিন্তু এলিচ ডিচুজা নামৰ বৃদ্ধাগৰাকীয়ে ফ্লেট দুটা ঘূৰাই পোৱা নাছিল।বৃদ্ধাগৰাকীয়ে আদালতত অভিযোগ কৰিছিল যে ফ্লেট দুটা বৰ্তমান এজন প্ৰাক্তন চৰকাৰী বিষয়াই দখল কৰি আছে৷ কিন্তু ফ্লেট দুটা যিহেতু তেওঁৰ, সেয়ে তেওঁ সেয়া তেওঁ ঘূৰাই বিচাৰে। অৱশেষত মুম্বাই উচ্চ ন্যায়ালয়ৰ ন্যায়াধীশ আৰ ডি ধনুকা আৰু এম এম সাথায়ে নিৰ্দেশ দিয়ে যে মহাৰাষ্ট্ৰ চৰকাৰে তৎক্ষণাৎ দুয়োটা ফ্লেট ৯৩ বছৰীয়া এলিচ ডিচুজাক ঘূৰাই দিব লাগিব।
Continue Reading
