ডিজিটেল ডেস্কঃ ব্ৰিটেইনৰ দৈনিক কাকত মেট্ৰ’ৰ বাতৰি অনুসৰি পোলেণ্ডৰ এটা নিম্ন গ্ৰেডৰ ষ্ট্ৰিপ ক্লাবত ৯০ মিনিটৰ ভিতৰত ২২টা শ্বট মদ্যপান কৰি এজন ব্ৰিটিছ লোকৰ মৃত্যু হয়। বন্ধুৰ সৈতে ক্লাবত উপস্থিত হোৱাৰ সময়তে ৩৬ বছৰীয়া মাৰ্ক চিয়ে মদ্যপান কৰি বিনামূলীয়াকৈ প্ৰৱেশৰ প্ৰস্তাৱত প্ৰলোভিত হোৱা বুলি জানিব পৰা গৈছে।তদন্তকাৰীয়ে জনোৱা মতে, মাৰ্কক নাকচ কৰাৰ পিছতো বাৰে বাৰে পানীয়ৰ প্ৰস্তাৱ দি কৰ্মচাৰীয়ে জোৰ দিছিল। দুই ডজন শক্তিশালী শ্বট খোৱাৰ পাছত মৃত্যু হয়। ইয়াৰ পিছত তেওঁৰ পৰা ২,২০০ পোলেণ্ডৰ মুদ্ৰা ঝলটি ( ₹৪২,৮১৬) নগদ ধন লুটি লৈ যায়। মাৰ্কৰ মৃত্যুৰ সময়ত তেওঁৰ তেজত কমেও ০.৪% এলকহল আছিল, যিটো মাৰাত্মক বুলি গণ্য কৰা হয়।
আৰক্ষীয়ে এনেধৰণৰ অপৰাধ ভাঙি পেলাবলৈ বিভিন্ন নাইট ক্লাবত কেইবাটাও অভিযান চলাই এই পৰ্যন্ত ৫৮জন লোকক গ্ৰেপ্তাৰ কৰিছে। পোলেণ্ডৰ তদন্তকাৰী সংস্থাৰ মতে, এই ক্লাবসমূহে গ্ৰাহকক মদ্যপান কৰাৰ পিছত ধন চুৰি কৰিবলৈ ৰেকেট চলায়।কৰ্তৃপক্ষই এক বিবৃতিত কয় যে, “ গোচৰটোৰ তদন্তকাৰীয়ে তদন্ত কৰা এটা লিড হৈছে ভুক্তভোগীগৰাকীক যিয়ে মদ্যপানৰ অৱস্থালৈ ঠেলি দিয়া হৈছিল, যাৰ ফলত চেতনা হেৰুৱাইছিল, আৰু তাৰ পিছত তীব্ৰ মদ্যপানৰ বিষক্ৰিয়াৰ ফলত মৃত্যু হৈছিল।”
Continue Reading
